चैत्र २० धनगढी । देशभर थप २३ जनामा कोरोना संक्रमण पुष्टि भएको छ । पछिल्लो २४ घण्टामा ५ हजार ८ सय ४७ जनाको पीसीआर परीक्षणमा २३ जना र १ हजार ६२ जनाको एन्टीजेन परीक्षणमा शुन्य गरी २३ जनामा संक्रमण पुष्टि भएको हो । आइतबार कुनै पनि संक्रमितको मृत्यु भएको छैन ।
पछिल्लो २४ घण्टामा कोरोनाबाट ६६ जना निको भएका छन् भने हाल देशभर ८ सय ९९ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ । जसमध्ये ८ सय ५८ जना होम आइसोलेसनमा रहेका छन् भने ४१ जना संस्थागत आइसोलेसनमा रहेको स्वास्थ्य मन्त्रालयले जनाएको छ ।
कोरोनाका बिरामी मध्ये १५ जना आईसीयू र २ जना भेन्टिलेटरमा उपचाररत् रहेको स्वास्थ्य मन्त्रालयले जनाएको छ । नेपालमा कोरोना संक्रमितको कुल संख्या ११ लाख १८ हजार ६ सय १५ पुगेको स्वास्थ्य मन्त्रालयले जनाएको छ ।
नेपालमा मृत्यु हुनेको संख्या ११ हजार ९ सय ५१ पुगेको स्वास्थ्य मन्त्रालयले जनाएको छ । त्यसैगरी ९ लाख ६५ हजार ६ सय २५ जना संक्रमणमुक्त भएको स्वास्थ्य मन्त्रालयले जनाएको छ ।
