माघ २७ धनगढी । नेपाली सेनाका प्रमुख प्रधानसेनापति प्रभुराम शर्माले आज सुदूरपश्चिमको भ्रमण गर्नू भएको छ ।
रक्षा सचिव सहितको टोलीले सुदूरपश्चिमका मुख्यमन्त्री त्रिलोचन भट्ट, आन्तरिक मामिला तथा कानुन मन्त्री पूर्णा जोशी लगायतसंग भेटेर शान्ति सुरक्षा लगायतका विषयमा छलफल गरेका छन ।
आन्तरिक मामिला तथा कानुन मन्त्री पूर्णा जोशीले प्रधानसेनापति शर्माले यहाँको शान्ति सुरक्षा, बिपतका बेला सुदूरपश्चिम सरकारले गरेको महत्वपूर्ण भूमिका लगायत विषयमा जानकारी लिएको बताइन । प्रधानसेनापति शर्माले सुरक्षा निकायसंगको समन्वयमा विपद व्यवस्थापनमा प्रदेश सरकारले गरेको कामको उच्च प्रशंसा समेत गरेको बताइन ।
प्रधानसेनापतिको टोलीले दार्चुलाको लिपुलेक, लिम्पियाधुराको बिषयमा समेत छलफल गरेको बताउँदै मन्त्री जोशीले अहिले टोली दार्चुलातर्फ प्रस्थान गरेको बताउनु भयो ।