धनगढी ,२४ माघ । धनगढीमा फाप्ला अन्तर्राष्ट्रिय क्रिकेट मैदान सहित खेलग्राम बनाउने सरकारले निर्णय भएको छ ।प्रधानमन्त्री शेरबहादुर देउवा सरकारले सुदूरपश्चिमको राजधानी धनगढीमा फाप्ला अन्तराष्ट्रिय क्रिकेट मैदान सहित खेलग्राम बनाउने निर्णय गरेको हो ।
आरजु राणा देउवाको पहलमा गत माघ १० गतको मन्त्रिपरिषद बैठकको निर्णयबाट धनगढी उप महानगरपालिका वडा नम्वर ३ मा रहेको ३९ हजार ९ सय १० वर्गमिटर जग्गा क्रिकेट मैदान र खेलग्राम बनाउनेगरी हस्तान्त्रण गर्ने निर्णय सरकारले गरेको छ । सरकारले पूर्वाधार निर्माणको लागि फाप्ला अन्तराष्ट्रिय क्रिकेट मैदान तथा खेलग्राम विकास समिति गठन गर्ने निर्णय पनि गरेको छ ।
सरकारको यो निर्णयसँगै धनगढीमा अन्तराष्ट्रिय क्रिकेट मैदान तथा खेल मैदान बन्ने भएको छ । यो नेपालकै सबैभन्दा ठूलो क्रिकेट मैदान हुने भएकोछ । यसमा अन्तराष्ट्रिय क्रिकेट खेलहरु खेलाउन सक्नेगरी भौतिक पूर्वाधार तयार गरिने बताईएको छ ।
