माघ २३ धनगढी वर्षाल गर्दा इँटा उद्योगमा नोक्सान पु¥याएको छ । कैलाली सहित तराईमा बिहीबार र शुक्रबार लगातार दुई दिनसम्म आएको वर्षार्ले ईटा उद्योगमा नोक्सान पु¥याएको हो ।
पानीले काँचो इँटा भिजाए पछि इँटा व्यवसायीले नोक्सान ब्यहोर्नु परेको छ । हिउँदे झरीका कारण कैलालीमा लाखौं मूल्य बराबरको इँटा नोक्सान भएको ब्यबसायीले बताएका छन ।
इँटा बनाउने सिजनमा भएको वर्षाले यो वर्ष पनि नोक्सान व्यहोर्नु परेको इँटा व्यवसायीको भनाइ छ । यो वर्ष तीन÷चार पटक इँटा भिजेर नोक्सान भइसकेको उनीहरुले बताएका छन् । एउटै इँटा उद्योगमा लाखौं मूल्यको काचो इँटा भिजेर नोक्सान भएको छ ।
वर्षाले एकैचोटी १७ लाख काँचो इँटा नोक्सान भएको धनगढीस्थित दक्षिणकाली इँटा उद्योगका म्यानेजर गोबिन्द चौधरीले बताए ।
‘पानीले गर्दा इँटामा ठूलो नोक्सान भएको बताउदै उनले वर्षाका कारण यो वर्ष इँटा उत्पादन गर्न समस्या भएको बताए ।