पौष २८ धनगढी । सुदूरपश्चिम प्रदेशका मुख्यमन्त्री राजेन्द्रसिंह रावलले सपथ ग्रहण लगत्तै पदभार ग्रहण गरेका छन् । पदभार ग्रहण गरेसँगै उनले शासकीय सुधार गर्ने पहिलो निर्णय गरेका छन् ।
उनले सुदूरपश्चिमका मन्त्रालय, आयोग, विभाग, सचिवालय तथा अन्य निकायको कार्यसम्पादन प्रणालीलाई सरलीकरण र सुदृढीकरण गर्ने सम्बन्धमा नतिजामुलक कार्ययोजना तयार पार्न प्रदेश सरकारका मुख्यसचिवको संयोजकत्वमा सुदूरपश्चिमको समग्र शासकीय सुधार योजना कार्यदल गठन गरेका छन् ।
उक्त कार्यदलमा सबैमन्त्रालयका सचिवहरु सदस्य रहेका छन् । ७ दिनभित्र कार्यदललाई प्रतिवेदन तयार पार्न निर्देशन दिइएको छ ।
त्यस्तैगरी माओवादीका खगराज भट्ट र एमालेकी सन्तोष शर्मा थापाले पनि शपथ ग्रहण गरेका छन् । संसदीय दलका नेतासमेत रहेका भट्ट डडेल्धुराबाट निर्वाचित हुन् भने सन्तोष समानुपाति सांसद हुन् ।
