सुदूरपश्मि प्रदेशका अधिकाँश ब्याक्तिहरु भारतमा रोजगारी गर्दै आएका छन । रोजगारी गर्न भारत जाँदा र फर्केर नेपाल आउँदा बाटोमा नेपालीहरुले भोग्दै आएका समस्याहरुले उनिहरु आजीत हुदै आएका छन । भारत जाँदा देखी फर्किदा सम्मका उनिहरुका दुख कसैले देख्न सकेको छैन । कमाएर ल्याएको रुपैया बाटोमै लुटीने र बेहोस बनाएर अलपत्र पार्ने जस्ता घटनाहरु नेपालीहरुका लागी नौलो होईन । त्यती मात्र नभएर भारतमै अकालमा मृत्यु बरण गर्नु देखि लिएर उत्तै बेपत्ता हुनेहरुको संख्या पनि त्यतीकै छ । तर नेपालले उनिहरुको तथ्याङ समेत राख्ने गरेको पाईदैन । भारतमा रहेका लाखौँ नेपालीहरुका पिडा ने्पाल सरकारले अहिले सम्म सम्बोधन गर्न भारत सरकारसंग पहल समेत गरेको देखिदैन । भारतमा रोजगारी गर्न गएका सुदूरपश्मिबासीहरुको सुरक्षाको विषयमा नेपाल सरकारले पहल गर्न आवश्यक छ । रोेजगारीका लागी भारत जाने नेपालीहरुका समस्या समाधान गर्न भारतमा कार्यरत नेपाली संघ संस्थाहरुले नेपाल सरकारलाई आग्रह गर्ने गरेका भए पनि आश्वासन दिने काम मात्र भएको छ । भारतमा नेपालीहरुले भोग्दै आएका समस्या प्रति नेपाल सरकार गम्भिर भएर भारत जादा आउँदा नेपालीहरुले भोग्ने समस्याको समाधान खोज्न आवश्यक छ । आफना नागरिकहरु विश्वको जुनसुकै देशमा भए पनि उनिहरुको बारेमा सरकार चिन्तित हुन आवश्यक छ ।