बैशाख १८ धनगढी । धनगढीको एउटा होटलमा जुवातास खेलिरहेको अवस्थामा १० जना जुवाडेलाई प्रहरीले पक्राउ गरेको छ । धनगढी उपमहानगरपालिका वडा नम्बर– ५ हसनपुरमा रहेको रोहित होटलमा जुवातास खेलिरहेका १० जनालाई प्रहरीले पक्राउ गरेको हो । गोप्य सूचनाका आधारमा पुगेको प्रहरीले छापा हानेर १० जनालाई नगद सहित पक्राउ गरेको हो ।
प्रहरीका अनुसार होटल सञ्चालक ४२ वर्षीय कालुराम चौधरी, ३८ वर्षीय बिरेन्द्र थापा, २४ वर्षीय रोहित खड्का, २० वर्षीय क्रिस बम, ३३ वर्षीय पदम ठकुल्ला, २९ वर्षीय अनिल चौधरी, ५१ वर्षीय बिरु साउद, ४१ वर्षीय टिकाराम खनाल, ४३ वर्षीय रामकृष्ण चौधरी र १८ वर्षीय बिबेक साउदलाई प्रहरीले पक्राउ गरेको हो ।
उनीहरूलाई वडा प्रहरी कार्यालय धनगढीका प्रमुख प्रहरी निरीक्षक बलराम पाण्डेयको नेतृत्वमा खटिएको टोलीले पक्राउ गरेको हो । बिहिबार राति साढे ८ बजेतिर उनीहरूलाई नियन्त्रणमा लिइएको प्रहरीले जनाएको छ ।
उनीहरूको साथबाट नगद ५९ हजार २ सय ९० रुपैयाँ र एक गड्डी तास बरामद गरिएको जिल्ला प्रहरी कार्यालयका प्रवक्ता प्रहरी नायब उपरीक्षक योगेन्द्र तिमिल्सिनाले जानकारी गराए । उनीहरूलाई नियन्त्रणमा राखेर आवश्यक अनुसन्धान भइरहेको तिमिल्सिनाले बताएका छन ।
