सबै भन्दा टाउको दुखाईको विषय लागुऔषध बनेको छ । दिन दिनै लागुऔषध सेवन गर्नेहरुको संख्या बढ्दै गएको छ । त्यसैगरी लागुऔषधको कारोबार पनि बढ्दै गएको छ । खास गरी सुदूरपश्चिम प्रदेशका दुई जिल्ला कैलाली र कञ्चनपुरबाट हरेक दिन लागु औषध सहित प्रहरीले पक्राउ गर्नेको संख्या बढ्दै गएको छ । तर पनि लागु औषध रोकथाम हुन सकिएको छैन ।
कैलाली र कञ्चनपुर लागु औषध कारोबारको हव बन्दै गएको छ । खुल्ला सिमानाका भएका कारण पनि सहज रुपमा भारतबाट लागु औषध नेपाल भित्रीने गरेको पाइएको छ । लागु औषध रोकथामका लागी प्रहरीले चेतनामूलक कार्यक्रमहरु पनि सञ्चालन गर्दै आएको छ । तर पनि दैनिक रुपमा लागु औषध सहित सेबन कर्ता र कारोबारीलाई प्रहरीले पक्राउ गर्ने गरेको तथ्यले यसलाई रोकथाम गर्न चुनौती थपी दिएको फुष्टि हुने गरेको छ ।
के कारणले लागु औषधका घटनाहरु बढ्दै गएका छन । यसको समीक्षा गरेर कार्यक्रम बनाउन जरुरी छ । यती मात्र होईन लागु औषधका घटनामा पेचिलो कारबाही हुन पनि जरुरी छ । अभिभावकले आफ्ना छोराछोरीहरुको विशेष ध्यान दिनु पर्ने भए पनि धरै जसोले ध्यान नदिएका कारण लागु औषधको कुलतमा फस्ने गरेका छन । फसेकाहरुलाई सुधार्न पनि सकिन्छ भन्ने उदाहरणहरु पनि छन । त्यस्ता उदाहरण अझै दिन आवश्यक छ ।
बढ्दै गएको लागु औषध कारोबार रोक्न प्रहरी मात्र सक्रिय भएर नहुने भएकाले अभिभावक पनि सक्रिय हुन जरुरी छ । अभिभावक मात्र नभई स्थानीय पनि जिम्मेवार हुन जरुरी छ । गल्तीलाई ढाकछोप गर्ने बानीले अर्को जघन्य अपराधलाई आमन्त्रण गर्ने भएकाले अपराध कसैले लुकाउनु हुदैन ।
अपराधीलाई कारबाही होस भन्ने सबैको उदेश्य हुन जरुरी छ । अभिभावकले पनि कारबाहीका लागी डराउनु हुदैन । समय छदै आफ्ना सन्तानको संगत उठबस को संग छ के गर्दै छ जस्ता विषयमा ध्यान दिन जरुरी छ । बढ्दै गएको लागु औषध कारोबार रोकन सचेत नागरिकको भूमीका निर्बाह गर्न जरुरी छ ।
मानव स्वाश्थ्यको रक्षा गर्न कुलतमा फस्न नदिने गरी हेरविचार गर्न जरुरी छ । कुलतमा फसेकाहरुलाई पनि नयँ“ जिवन दिन सक्रिय हुन जरुरी छ । लागु औषध नियन्त्रण गर्न सबै मीलेर एकजुट भई लाग्न जरुरी छ ।
