असार २० धनगढी । सुदूरपश्चिम प्रदेश सरकारका मुख्यमन्त्री कमल बहादुर शाहले गतल मनसायबाट विनियोजित बजेट कार्यान्वयन नहुँने बताएका छन ।
शुक्रबार धनगढीमा सम्पन्न नेपाल वन प्राविधिक संघ प्रदेश कार्य समित सुदूरपश्चिमको सपथ ग्रहण तथा प्रमाणपत्र वितरण कार्यक्रमलाई सम्बोधन गर्दै उनले यस्तो बताएका हुन ।
बजेट भित्र समेटिएका कुनैपनि कार्यक्रम, कुनैपनि योजना चलखेलका आधारमा, लेनदेनका आधारमा, अनावश्यक रुपमा वा आवश्यकता नभएका ठाउँमा बजेट विनियोजन भएको छ, भने त्यो कुनैपनि कार्यान्वयन हुँदैन’ मुख्यमन्त्री शाहले भने ।
हामी आफूले आफूलाई वर्तमान परिपेक्षमा बुझ्न सकेनौ भने मुलुकको जिम्मेवारी र कर्तव्य के हो ? भन्ने बुझ्न सकेनौ भने हामीमाथि निरन्तर प्रश्नहरू आइरहनेछन्, उठिरहनेछन् सबैमा सचेत हुन र समयमा आफूलाई करेक्सन गर्न जरुरी छ ।’
उनले बजेट निर्माणका समयमा आएका टिका टिप्पणी कुनै आग्रह पूर्वाग्रहले पनि आएका हुन सक्ने बताउदै ‘त्यतातिर नगई सहि र गलतकोे विश्लेषण गर्न आवश्यक भएको बताए ।
सहि विश्लेषण गरी सकारात्मक काम गर्न आग्रह गर्दै मुख्यमन्त्री शाहले सबैले जिम्मेवार बन्नु पर्ने बताए ।
