असार १९ धनगढी । सुदूरपश्चिम प्रदेशका मुख्यमन्त्री कमल बहादुर शाहले उद्योग, पर्यटन, वन तथा वातावरण मन्त्री रामेश्वर चौधरीलाई बर्खास्त गरेपछि नागरिक उन्मुक्ति पार्टी सरकारबाट बाहिरिने भएको छ ।
आफ्नो पार्टीका तर्फबाट सुदूर पश्चिम प्रदेश सरकारमा उद्योग पर्यटन बन तथा बाताबरण मन्त्री रहेका चौधरीलाई बर्खास्त गरेपछि आक्रोशीत भएका नागरिक उन्मुक्ति पार्टीका संरक्षक रेशमलाल चौधरी र अध्यक्ष रञ्जिता चौधरीले सरकारबाट बाहिरिने निर्णय गरेका छन् ।
संघ र प्रदेशमा सत्ता गठबन्धनमा रहेको नागरिक उन्मुक्ति पार्टी दुबै ठाउँबाट बाहिरिने भएको छ । अध्यक्ष रञ्जिता श्रेष्ठले संघीय सरकारमा पर्यटन राज्यमन्त्री रहेका अरुण चौधरीले भोलि राजीनामा दिने बताएकी छन् । उनले नागरिक उन्मुक्ति पार्टी अव प्रतिपक्षमा बस्ने बताईन ।
‘संरक्षक ज्युको सल्लाहमा प्रदेश सभा र संघीय सरकारमा प्रतिपक्षमा बस्ने सहमति भएको उनले बताईन । पार्टीको सल्लाह बिना मन्त्रीहरूलाई बर्खास्त गरेपछि सरकारबाट फिर्ता हुने तयारी गरिएको संरक्षक रेशमलाल चौधरीले बताए ।
उनले सामाजिक सञ्जाल मार्फत नागरिक उन्मुक्ति पार्टी सरकारबाट बाहिरिने र प्रतिपक्षमा बस्ने उल्लेख गरेका छन् । सुदूरपश्चिम प्रदेशका उद्योग पर्यटन वन तथा वातावरण मन्त्री रामेश्वर चौधरीलाई आज मुख्यमन्त्री शाहले बर्खास्त गरेपछि नाउपा रुष्ट भएको हो ।
