फागुन २६ धनगढी । कैलालीका विभिन्न स्थानबाट भन्सार छलीका बोईलर कुखुरा र माछा लगाएत अन्य सामान बरामद गरिएको छ । धनगढी उप – महानगरपालिका वडा नम्बर ९ त्रिबेणीघाटबाट अबैंध रुपमा भारतबाट भन्सार छली गरि ल्याएका २० हजार मूल्य बराबरका प्याज,बोईलर कुखुरा लगायतका सामान, भजनी नगरपालिका वडा नम्बर–७ हिम्मतपुरबाट १५ हजार ७ सय ५० मूल्यको माछा बरामद गरिएको प्रहरीले जनाएको छ ।
त्यसैगरी गोदावरी नगरपालिका वडा नम्बर–३ चुट्की बजार नजिकबाट १२ हजार ९ सय ५० मूल्यको प्याज ,चिनी, सुर्ती, चक्लेट,ललिपप लगायतका सामानगरी जम्मा ४८ हजार ६ सय ७० बराबरको सामानहरु शुक्रवार प्रहरी गस्ती टोलीले बेवारिसे अबस्थामा फेला पारी नियन्त्रणमा लिएको जिल्ला प्रहरी कार्यालय कैलालीले जानकारी गराएको छ ।
