माघ २८ धनगढी । कैलालीका प्रमुख जिल्ला अधिकारी किरण थापाले १६ बुँदे आदेश जारी गर्नु भएको छ ।
कारोना संक्रमणको दर घट्न थाले पछि प्रमुख जिल्ला अधिकारी थापाले १६ बुदे नयाँ आदेश जारी गर्नु भएको हो ।
जिल्ला कोभिड–१९ संकट व्यवस्थापन समन्वय केन्द्र (डिसीसीएमसी) ले गरेको निर्णय अनुसार शुक्रवार देखि लागू हुने गरी आदेश जारी गरिएको जिल्ला प्रशासन कार्यालय कैलालीका सूचना अधिकारी शिवराज जोशीले जानकारी गराउनु भयो ।
उनले फागुन १ गते देखि खोप लगाएको सुनिश्चत गरेर स्वास्थ्य मापदण्ड पूरा गर्दै विद्यालय लगायतका शैक्षिक संस्था सञ्चालन गर्न पाइने बताउदै आमसभा, जुलुस, भेला आयोजनामा भने रोक कायमै राखिएको जानकारी गराउनु भयो । विभिन्न गोष्ठी, सेमिनार, समिक्षा बैठक गर्दा सके सम्म अर्चुअल गर्ने र भौतिक उपस्थितीमा गर्नै परे बढीमा ५० जना मात्रै सहभागी गर्न पाइने आदेशमा उल्लेख गरिएको उनले बताउनु भयो ।
त्यसैगरी उनले सिनेमा हल, डान्स बार, दोहोरी, नाचघर, क्लब, जिमखाना, स्विमिङ पुल, फुटसल, हाटबजार स्वास्थ्यको मापदण्ड पूरा गरेर ५० प्रतिशत उपस्थित गराएर मात्र सञ्चालन गनेै अनुमति दिइएको जानकारी गराउनु भयो ।
त्यस्तैगरी व्यवसाय सञ्चालन गर्दा एक पटकमा २५ जना भन्दा बढी सहभागी नहुने गरी सञ्चालन गर्न, धार्मिक कार्यक्रम गर्दा स्वास्थ्यका मापदण्ड पूरा गर्न, दर्शक सहितको खेलकुद कार्यक्रम गर्दा क्षमताको ५० प्रतिशत मात्रै उपस्थिती गराउन पनि आदेशमा उल्लेख गरिएको उनले बताउनु भयो ।
यो आदेश अर्को सूचना जारी नभए सम्म लागू हुने जिल्ला प्रशासन कार्यालय कैलालीका सूचना अधिकारी शिवराज जोशीले जानकारी गराउनु भयो । सार्वजनिक सवारी साधानमा सिट क्षमता भन्दा बढी यात्रु नराख्न र मास्क नलगाएका यात्रु नचढाउन पनि आदेशमा उल्ल्ेख गरिएको उनले बताउनु भयो ।
