बैशाख २४ कञ्चनपुर । जिल्ला प्रशासन कार्यालय कञ्चनपुरले सेवाग्राहीलाई सहजता प्रदान गर्ने उद्देश्यले ‘घरमै राहदानी’ पु¥याउने सेवा सुरु गरेको छ ।
सरकारको स्वीकृत १ सय कार्यसूची अन्तर्गत को बुँदा नम्बरं २७ मा उल्लेखित सरकारी सेवा घरमै उपलब्ध गराउने नीति अनुसार जिल्ला प्रशासन कार्यालय कञ्चनपुरले ‘घरमै राहदानी’ पु¥याउने सेवा सुरु गरेको हो ।
जिल्ला प्रशासन कार्यालय कञ्चनपुरले बुधवार जारी गरेको सार्वजनिक सूचना अनुसार हुलाक सेवालाई आधुनिकीकरण गरी ‘सरकारी कुरियर सेवा’ सञ्चालन गरेको छ । उक्त सेवा सुरु भएपछि सेवाग्राहीले राहदानी लिन कार्यालय धाउनु पर्ने झन्झटबाट मुक्ति पाउने भएका छन् ।
जिल्ला प्रशासन कार्यालय र जिल्ला हुलाक कार्यालय कञ्चनपुरबीच राहदानी वितरण गर्ने सम्बन्धी सम्झौता गरिएको छ । सेवाग्राहीको माग अनुसार राहदानी सिधै घरमै पु¥याइने व्यवस्था गरिएको छ ।
