चैत्र १३ कञ्चनपुर । कञ्चनपुरको शुक्लाफाँटा नगरपालिका वडा नम्बर–४ असैनाकी ३३ वर्षीय गीता चौधरी कृषि तथा पशुपक्षी विकास र वन तथा वातावरण मन्त्री बनेपछि बुवा जयराम डगौंराले जनताको हितमा काम गर्न सुझाएका छन् ।
“छोरी मन्त्री बनेको खबरले खुसी भएका बुवा जयराम डगौंराले जनताको हितमा काम गर्न सुझाएका हुन । गीताका बुवा जयरामले “सिङ्गो देशका जनता खुसी हुने गरी छोरीले पाएको जिम्मेवारी बहन गर्न सकोस” भन्ने कामना गरेका छन ।
राष्ट्रिय स्वतन्त्र पार्टीबाट कञ्चनपुर निर्वाचन क्षेत्र नम्बर २ बाट समानुपातिक सांसद बनेकी गीता चौधरी समुदायबाट सङ्घीय सरकारको मन्त्री बन्ने पहिलो थारु महिला हुन् । शुक्लाफाँटा नगरपालिका वडा नम्बर–३ स्थित जनज्योति आधारभूत विद्यालय जोनापुरमा प्राथमीक तहको अध्ययन गरेकी चौधरीले माध्यमिक तहको अध्ययन राष्ट्रिय माध्यामीक विद्यालय पिपलाडीबाट गरेकी थिईन ।
झलारी बजारमा रहेको श्रीकृष्ण उच्च माध्यामीक विद्यालयबाट प्रवीणता प्रमाणपत्र तह अध्ययन गरेकी उनले काठमाडौँ स्कुल एफ लबाट स्नातक र स्नाकोत्तर तह नेपाल ल क्याम्पसबाट पूरा गरकी हुन् ।
चौधरी कानुन व्यवसायी समेत हुन । “सात बहिनी र एक भाइ मध्येकी माहिली गीता बाल्यकाल देखि अध्ययन र समाजमा हुने विभेद् र कुरुतिका विरुद्ध बोल्दै आएकी थिईन । बुवा जयरामले नम्म आयस्रोत भएको परिवारबाट मन्त्री बनेको खबरले हर्षित बनाएको बताए । साधारण लेखपढ गरेका गीताका बुवा जयरामले छोराछोरी पढाउन निकै सङ्घर्ष गरेको बताए ।
“खेती किसानी र पछिल्लो समय सटरिङको काम गरेर घरखर्च र छोराछोरीको खर्च जुटाउँदै आएको बताउदै उनले छोरीको मेहनत र अध्ययन सफलताले मन्त्री बन्न सफलता मिलेको बताए । त्यसैगरी मन्त्री गीताका फूपाजु डम्बर चौधरीले अध्ययनका लागि निकै दुखः गरेको बताए ।
पढाइका लागि ऋण गरेर भए पनि पछि नहट्ने बानी भएको बताउदै उनले विवाह पछि अध्ययनसँगै राजनीतिमा होमिएर मन्त्री सम्म बन्न सफल भएको बताए । बुटवलको सैनामैनाका सुनिल चौधरीसंग विवाह गरेकी चोधरीकी एक छोरी छिन । गीताका श्रीमान् सुनिल कृषि क्याम्पसमा अध्यापन गराई रहेका छन ।
विभिन्न क्लब, बाल क्लब र संस्थामा आवद्ध हुन मन पराउने चौधरी करातेको खेलाडी हुन ।“घरको दयनीय अवस्थाका बीच पनि गीताले गरेको सङ्घर्ष प्रेरणादायी भएको उनले बताए । नागरिक उन्मुक्ति पार्टीबाट २०७९ सालको प्रतिनिधिसभा निर्वाचनमा गीता सुदूरपश्चिम प्रदेशसभा सदस्यमा उम्मेदवार बनेकी थिईन ।
पहिलो पटक उम्मेदवार हुँदा पनि उनले सम्मानजनक मत पाएको उनले बताए । केही समय अघि मात्रै राष्ट्रिय स्वतन्त्र पार्टी (रास्वपा) मा प्रवेश गरेकी चौधरीलाई रास्वपाले समानुपातिक उम्मेदवार बनाएको थियो ।
