चैत्र १३ धनगढी । बेहेडाबाबा फाउण्डेसनको आयोजना तथा शैलेस्वरी इङ्गलिस बोर्डिङ स्कुल र फारबेष्ट माध्यमिक विद्यालयको सहयोगमा धनगढी उपमहानगरपालिका वडा नम्बर–९ स्थित त्रिबेणी घाटमा सरसफाई गरिएको छ ।
धनगढीका निर्वतमान मेयर नृपबहादुर बडको नेतृत्वमा धनगढी उपमहानगरपालिका वडा नम्बर–९ स्थित त्रिबेणी घाटमा सरसफाई गरिएको हो । सरसफाइमा स्थानीयवासी, विद्यार्थी तथा विभिन्न संघसंस्थाका प्रतिनिधिहरूको सहभागिता रहेको थियो ।
आर्यघाट क्षेत्रमा बढ्दो फोहोरका कारण वातावरण प्रदूषित बन्दै गएकाले सरसफाई गरिएको अभियानका अगुवा वडले बताए । सार्वजनिक स्थलहरूलाई स्वच्छ राख्न प्रत्येक महिना नियमित रूपमा सरसफाई कार्यक्रम सञ्चालन गर्ने योजना बनाएको उनले बताए ।
हेडाबाबा फाउण्डेसनका अध्यक्ष पदमराज जोशीले सरसफाई अभियानमा धनगढीका नागरिक समाज तथा विभिन्न संस्थाहरूलाई सक्रिय रूपमा सहभागी हुन आह्वान गरेका छन । उनले अभियान सफल बनाउन सहयोग गर्ने सबैप्रति धन्यवाद व्यक्त गरेका छन ।
सरसफाई अभियानले त्रिबेणी घाट क्षेत्रलाई स्वच्छ र आकर्षक बनाउन सहयोग पुग्ने अपेक्षा गरिएको छ । आफ्नो क्षेत्रमा सरसफाई अभियान संचालन गरेकाले आयोजकलाई धनगढी वडा नम्बर ९ का अध्यक्ष प्रेम भण्डारीले धन्यवाद दिएका छन ।
