फागुन २२ काठमाण्डौ । काठमाडौं क्षेत्र नम्बर ८ मा रास्वपाका उम्मेदवारविराजभक्त श्रेष्ठ वजयी भएका छन् ।
निर्वाचनमा प्रतिस्पर्धा गरेका अन्य सबै उम्मेदवारको जमानत जफत गर्दै श्रेष्ठ २४ हजार ५ सय ९२ मत प्राप्त गरी विजयी भएका हुन । उनीे २१ हजार भन्दा बढी मतको अन्तरले जियी भएका हुन ।
यस क्षेत्रमा प्रतिस्पर्धामा रहेका ठूला र परम्परागत दलसहित अन्य सबै उम्मेदवारहरूको जमानत (धरौटी) जफत भएको छ । निर्वाचन कानुन अनुसार कुनै पनि निर्वाचन क्षेत्रमा सदर मतको १० प्रतिशत मत ल्याउन नसक्ने उम्मेदवारको धरौटी रकम जफत हुने व्यवस्था छ ।
काठमाडौं–८ मा खसेको कुल मतको आधारमा दोस्रो स्थानमा रहेका उम्मेदवारले समेत जमानत जोगाउन आवश्यक पर्ने १० प्रतिशत मतको सीमा (थ्रेसहोल्ड) पार गर्न सकेनन् । जसका कारण त्यहाँ प्रतिस्पर्धा गरेका सबै २१ जना पराजित उम्मेदवारको जमानत जफत भएको हो । रास्वपाका उम्मेदवार पछि दोस्रो स्थानमा रहेका नेपाली कम्युनिष्ट पार्टीका सुमन सायमीले जम्मा ३ हजार २ सय १७ मत प्राप्त गरे ।
त्यस्तै, सत्ता गठबन्धनको तर्फबाट उम्मेदवार बनेकी नेपाली कांग्रेसकी सपना राजभण्डारीले २ हजार ८ सय ३५ मतमै चित्त बुझाउनु प¥यो । नेकपा (एमाले) का राजेश शाक्य र राष्ट्रिय प्रजातन्त्र पार्टी (राप्रपा) का नबिन शाही दुवैले समान १ हजार ९ सय ९ मत प्राप्त गरे । उज्यालो नेपाल पार्टीका राजन खड्गीले १ हजार ३३ मत पाए ।
ठूला दलका यी कुनै पनि उम्मेदवारले आफ्नो धरौटी जोगाउन सकेनन् । त्यसैगरी, प्रतिस्पर्धामा रहेका अन्य साना दल र स्वतन्त्र उम्मेदवारहरूको अवस्था झनै कमजोर देखिएको छ ।
