कार्तिक ०३ कञ्चनपुर । कञ्चनपुरबाट झन्डै नौ लाखको अवैंध सामान बरामद गरिएको छ ।
कञ्चनपुरको बिभिन्न स्थान भीमदत्त नगरपालिका वडा नम्बर–३ भाँसी, भीमदत्त नगरपालिका वडा नम्बर–५ सुकासालबाट अवैंध रुपमा भारतबाट भन्सार छली गरि ल्याएका सामान हिरो होण्डा कम्पनिको युके ०३ए३३४ नम्बरको मोटरसाइकल सहित अन्दाजी ८ लाख ९३ हजार ६ सय ४० मूल्य बराबरको सामान प्रहरीले बरामद गरेको हो ।
उक्त मूल्य बराबरको मेडिफिड, जकेट, बेल्ट, किराना सामान, एसी÷फ्रिजमा प्रयोग हुने ग्यास, सुटको कपडा, मिठाई लगायतका सामान जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले वेवारिसे अवस्थामा फेला पारी नियन्त्रणमा लिएको जानकारी गराइएको छ ।
