जतीसुकै जोगी आए पनि कानै चिरीएका भन्ने उक्ती नेपालमा चरितार्थ भएको छ । नेताहरु भ्रष्ट भए भनेर जेन्जीले गरेको विद्रोहबाट बनेका गृहमन्त्री पनि भ्रष्टाचारमा मुछिएको विषयले उक्त उक्तीलाई चरीतार्थ गरेको हो । बाहीर बसेर कुर्लनु र सत्तामा बसेपनि चुप लाग्नुले जती जोगी आएपनि कानै चिरीएका भने जस्तै भएको हो ।
महङगीले जनता आक्रान्त भएका छन । बर्तमान सरकार चुनाबको समयमा नेताहरुले दिने आश्बासन जस्तै भएको छ । आश्बासन मात्रै दिने काम नगर्ने कुरामै सिमित हुने । बर्तमान सरकारले पनि नागरिकका कुनै पनि अपेक्षाहरु पुरा गर्न सकेको छैन । चुनावका समयमा सबै कुराको सेवा दिने तरकारी दाल चामलको मूल्य सस्तो बनाउने आश्बासन कहिल्यै पूरा नहुने ।
जनताले महंगीको मार खेप्दै आएका छन । दाल चामल तरकारी सबैको मूल्य बढेको छ । सरकारले मूल्य नियन्त्रण गर्ने र जनतालाई सेवा नदिने विषयले सबै उस्तै उस्तै लाग्न थालेका छन । चाडपर्वको समयमा बढी मूल्य बढाउनेहरुलाई कृत्रिम अभाव सृजना गर्ने लाई कारबाही गर्न जरुरी छ । जनताका आधारभूत कुराहरुलाई सहज र सर्बसुलभ बनाउन जरुरी छ ।
ब्यापारीहरुको मनोमानी बढ्दै गएकाले सम्बन्धीत निकाय जिम्मेवार हुन जरुरी छ । पसल पिच्छे मनोमानी मूल्य तोकिएका भए पनि सम्बन्धीत निकाय मौन देखिएको छ । बजारमा पसल पिच्छे आफूखुसी तरकारीको मूल्य कायम गरिएको छ । व्यवसायीले आफूखुसी मूल्य निर्धारण गरेर व्यापार गरिरहेका भए पनि नियमनकारी निकाय भने मौन रहेको छ ।
एउटै प्रकृतिको सामानको मूल्य पनि फरक फरक लिने गरेकाले स्थानीय सरकारले नियमन गर्न जरुरी छ । फलफूलको मूल्य पनि फरक फरक रहेको छ । यसरी बजारमा मनोमानी तरिकाले सामान बिक्री भईरहदा सम्बन्धीत निकाय मौन हुनु राज्यको गैरजिम्मेवारीपन हो ।
सरकारले अनुगमन गर्न बेवास्ता गर्दा बजारमा मनोमानी बढ्दै गएको छ । त्यसैले सम्बन्धीत निकायले महंगी नियन्त्रण गर्न तर्फ ध्यान दिन जरुरी छ । सरकार जनता प्रति जवाफदेही बन्न जरुरी छ ।
