असोज २६ धनगढी । जेन–जी आन्दोलनका क्रममा भदौ २४ गेतका दिन कैलाली लगायत सुदूरपश्चिमका कारागारबाट बाहीरिएका ४ सय ३२ जना कैदीबन्दी अहिले सम्म सम्पर्कमा आएका छैनन । सुदूरपश्चिमका कैलाली सहीत ६ वटा कारागार र एउटा बाल सुधारगृहबाट बाहीरिएका १ हजार ४ सय ५८ जना बन्दी मध्ये ४ सय ३२ जना कैदीबन्दी अहिले सम्म सम्पर्कमा नआएका हुन ।
कैलाली कारगारमा रहेका ६ सय ६६ जना कैदीबन्दी सहित अन्य कारागारका कैदीबन्दी बाहीरिए पछि बाहीर गएका कैदीबन्दीलाई पक्राउ गर्न प्रहरीले टोली परिचालन गर्नुका साथै आफैँ सम्पर्कमा आउन सार्वजनिक सूचना जारी गरे पनि सुदूरपश्चिमका कारागारबाट बाहीर निकलीएका ४ सय ३२ जना कैदीबन्दी एक महिनासम्म पनि फरार सूचीमै रहेका छन् ।
सुदूरपश्चिम प्रदेश प्रहरी कार्यालयका प्रहरी उपरीक्षक गौतम मिश्रले सुदूरपश्चिम प्रदेशबाट भागेका १ हजार ४ सय ५८ जना कैदीबन्दी मध्ये १ हजार २६ जना मात्रै कारागार फर्किएको जानकारी गराए । केहीलाई पक्राउ गरिएको बताउदै उनले केही आफैँ कारागारमा फर्किएको बताए । एसपी मिश्रले अझै ४ सय ३२ जना कैदीबन्दी फरार रहेको बताए ।
फरार मध्ये १९ जना कैदीबन्दी भारतीय नागरिक भएको उनले जानकारी गराए । आन्दोलनको समयमा कैलाली, कञ्चनपुर, डडेल्धुरा, दार्चुला, बझाङ र बैतडी कारागार तथा बाल सुधारगृह डोटीबाट बन्दीहरु बाहीर गएका थिए । एसपी मिश्रले कैलालीबाट भागेका २ सय ८८ जना, कञ्चनपुरका १ सय ५ जना, बझाङका १२ जना, दार्चुलाका ६ जना, डडेल्धुराका ५ जना र बैतडीका १ र डोटीको सुधारगृहबाट भागेका १५ जना अझै फरार रहेको जानकारी गराए ।
फरार रहेका कतिपय कैदीबन्दी भारत गएको हुनसक्ने सुरक्षा अधिकारीहरूले बताएका छन् । प्रदेश प्रहरी कार्यालयका प्रहरी उपरीक्षक गौतमले फरार भएका कैदीबन्दीबाट हुनसक्ने आपराधिक घटना र सुरक्षा चुनौतीको आकलन गरेर सुरक्षा सतर्कता अपनाइएको बताए ।
‘फरार कैदीबन्दी पक्राउ गर्न टोली नै परिचालन गरिएको बताउदै एसपी मिश्रले सरकारले फरार भएका कैदीबन्दीलाई पछिल्लो समय २० असोज सम्म कारागार फर्किसक्न सूचना जारी गरेको बताए । फरार कैदीबन्दी विरुद्ध अहिले कारबाहीको चरण सुरु नभएको उनले बताए ।
