बढ्दो बेरोजगारी र गरिवीका कारण पेट पाल्न बाध्य भएर यौन ब्याबसायमा लाग्नेहरुको संख्या बढ्दै गएको छ । आय आर्जनको माध्याम नभए पछि यौन ब्याबसाय गरेर पेट पाल्नु पर्ने बाध्यताले कतीपयलाई बाध्य बनाएको छ भने कतीपयले आफ्ना ब्याक्तिगत चाहना पुरा गर्न यौन ब्याबसाय गर्ने गरेका छन । जे सुकै भए पनि यौन ब्याबसाय कानुले बर्जीत गरेको गैर कानुनी कार्य हो । यस्ता कार्यहरु कैलालीका होटलहरुमा मौलाउदै गएका छन ।
होटल सञ्चालकहरुले भरखरका युबतीहरु राखेर यौनधन्दा चलाई रहेका छन । प्रहरीले होटलमा छापाहानेर युवायुवती र होटेल संचालकलाई पक्राउ गरेका घटनाहरुले यसको पुष्टि गरेको छ । यौन व्यवसायमा संलग्नहरुलाई पक्राउ गरी कारबाहीको दायरामा ल्याउन जरुरी छ । यौन धन्दा चलाएको अभियोगमा पटक पटक प््रहरीले कैलालीका विभिन्न होटलहरुबाट होटलका सञ्चालक सहित युवायुवतीहरुलाई पक्राउ गर्ने गरेको छ । दुखको कुरा नाबालिका समेत यस्तो कार्यमा लाग्ने गरेको प्रहरीले पक्राउ गरेका घटनाले पुष्टि गरेको छ ।
यौनकर्मी महिला राखेर यौन व्यवसाय चलाउने होटलका सञ्चालकलाई प्रहरीले मानव बेचबिखन तथा ओसार पसार मुद्दा चलाएको पनि छ । तर यौन ब्यासायलाई नियन्त्रण गर्न नसकिएको अबश्था छ । १४ ÷१५ वर्षका बालीकाहरुलाई यौन ब्याबसायमा सम्लग्न गराउने यस्तो धन्दा चलाउने जोकोही भए पनि कारबाही गरिनु जरुरी छ । होटेलमा महिलाहरु राखेर अबैध यौन धन्दा चलाउने छुट कसैलाई नभएकाले पक्राउ गरिएकाहरुलाई दरिलो कारबाहीको आवश्यकता छ । यस्ता अपराधहरु हुन नदिन कडा कारबाहीको संस्कार बसाउन जरुरी छ ।
होटलको काउन्टरमा राखेर, बाहीरबाट महिलाहरु बोलाएर अबैध यौन धन्दा चलाउदै आएका होटलहरुलाई पनि गल्तिको प्रकृतीहेरी पटक पटक अपराध गदै आएमा बन्द गर्ने गरी कानुन बनाउन जरुरी छ । यस्तो धन्दाले परिवारका सदस्य सहित होटलमा बस्ने ब्याक्तिहरुलाई समेत समस्या हुने गरेको छ । त्यसैले यौन ब्याबसाय चलाउनेलाई कडा भन्दा कडा कारबाही गरिनु पर्दछ । बढ्दै गएको यौन बसायलाई निरुत्साहित गर्न जरुरी छ । गरिवीको कारण यस्तो पेशा गर्नेहरुलाई सरकारले ब्याबश्था गर्न जरुरी छ ।
