असार २० धनगढी । नागरिक उन्मुक्ति पार्टी (नाउपा) अध्यक्ष रञ्जिता श्रेष्ठले सुदूरपश्चिम प्रदेशका उद्योग, पर्यटन, वन तथा वातावरण मन्त्री रामेश्वर चौधरीलाई बर्खास्त गर्नु संवैधानिक, अपमानजनक र अत्यन्त दुर्भाग्यपूर्ण कदम भएको बताएकी छन् ।
बिहीबार सुदूरपश्चिम प्रदेशका मुख्यमन्त्री कमल शाहले चौधरीलाई बर्खास्त गरे पछि अध्यक्ष श्रेष्ठले मन्त्री चौधरीलाई बर्खास्त गर्नु संवैधानिक, अपमानजनक र अत्यन्त दुर्भाग्यपूर्ण कदम भएको बताएकी हुन । नागरिक उन्मिुक्ति पार्टी संघ, प्रदेश सबैतिर सरकारबाट बाहिरीएर प्रतिपक्षमा बस्ने समेत उनले बताएकी छिन ।
‘नागरिक उन्मुक्ति पार्टीबाट संघीय संसदमा ४ जना सांसद, मधेश प्रदेशमा १ जना सांसद, लुम्बिनी प्रदेशमा ४ जना सांसद र सुदूरपश्चिम प्रदेशमा ७ जना सांसद निर्वाचित भएर प्रतिनिधित्व गरिरहेको बताउदै उनले यो उपस्थिति केवल सांसदहरूको संख्यामा सीमित नभई जनताको भरोसा, संविधान प्रति निष्ठा, र उत्पीडित समुदायहरूको आवाजको प्रतिनिधित्व भएको बताईन ।
पछिल्लो समय, सुदूरपश्चिम प्रदेशमा पार्टीका माननीय मन्त्रीलाई कुनै औपचारिक संवाद, कारण वा प्रक्रियाबिना हटाइएको कार्य— केवल असंवैधानिक मात्र नभई अपमानजनक र अत्यन्त दुर्भाग्यपूर्ण भएको उनले बताईन ।
‘नागरिक उन्मुक्ति पार्टीले यो कदमलाई सत्ता घमण्ड, मनपरी र लोकतान्त्रिक मूल्यमाथिको अपमानको रूपमा लिएको उनले बताईन ।
पार्टीभित्र गहिरो छलफल र पार्टी संरक्षक रेशम चौधरीको दृढ मार्गदर्शन अनुसार, नागरिक उन्मुक्ति पार्टी अब प्रतिपक्षको भूमिकामा बस्ने निर्णयमा पुगेको उनले जानकारी गराईन ।
निर्णय जनताको म्यान्डेट, पार्टीको सम्मान, र जननिर्वाचित प्रतिनिधिहरू माथिको गरिमाको संरक्षणका लागि गरिएको सैद्धान्तिक र दूरदर्शी कदम भएको उनले बताईन ।
आफ्ना सांसदहरू पार्टीको इज्जत भएको बताउदै उनले उनीहरूको बेइज्जती पार्टीको बेइज्जती भएको र पार्टीप्रति जनताको विश्वासमाथिको अवमूल्यन भएको उनले बताईन ।
पार्टी सदनमा प्रतिपक्षको भूमिकामा दृढताका साथ उभिने उनले बताइन् । अध्यक्ष श्रेष्ठ र संरक्षक चौधरीको निर्णय प्रति सांसदको मत भने बाझिएको छ । सांसदहरूले प्रतिपक्षमा बस्ने, समर्थन फिर्ता लिनेबारे पार्टीमा छलफल नभएको बताएका छन् ।
