असाढ ११ धनगढी । कैलालीका १३ वटा स्थानीय तहको बजेट १३ अर्ब २५ करोड ६२ लाख रहेको छ । असार १० गते सम्म १३ वटै पालिकाले आगामी आर्थिक वर्ष २०८२÷०८३ का लागी ल्याएको बजेट १३ अर्ब २५ करोड ६२ लाख रहेको हो ।
सबैभन्दा धेरै सुदूरपश्चिमकै एक मात्र उपमहानगरपालिका धनगढीले २ अर्ब ५६ करोड ४ लाख बजेट ल्याएको छ भने सबैभन्दा कम चुरे गाउँपालिकाले ५२ करोड ८७ लाख ९७ हजार बजेट ल्याएको छ ।
त्यसैगरी घोडाघोडी नगरपालिकाले एक अर्ब एक करोड ४० लाख २२ हजार, गौरीगंगा नगरपालिकाले एक अर्ब एक करोड ७६ लाख ३३ हजार, टीकापुर नगरपालिकाले ९३ करोड ६७ लाख ९७ हजार, गोदावरी नगरपालिकाले एक अर्ब १८ करोड ५४ लाख र लम्कीचुहा नगरपालिकाले एक अर्ब २० करोड ९९ लाखको बजेट ल्याएका छन् ।
त्यसैगरी जोशीपुर गाउँपालिकाले ८३ करोड ८६ लाख ५९ हजार १ सय ५४, मोहन्याल गाउँपालिकाले ६१ करोड ५० लाख, बर्दगोरिया गाउँपालिकाले एक अर्ब २ करोड ९१ लाख, भजनी नगरपालिकाले ६८ करोड ४३ लाख ६५ हजार ३ सय ४१, जानकी गाउँपालिकाले ९१ करोड ३७ लाख र कैलारी गाउँपालिकाले ७२ करोड २५ लाख बजेट ल्याएका छन् ।
