रगत मान्छेका लागी नभई नहुने तत्व हो । जुन पैसा तिरेर किन्न सकिँदैन्, पसलमा पाइँदैन्, र समयमै नपाउँदा मान्छेको जीवन जोखिममा पर्न सक्छ । हाम्रो शरीरको सबैभन्दा महत्त्वपूर्ण तत्व मध्येको एक रगत नशा–नशामा बहिरहेको हुन्छ, प्रत्येक तन्तुमा अति आवश्यक तत्वहरू पु¥याइरहेको हुन्छ, शरीरको तापक्रम सन्तुलनमा राखिरहेको हुन्छ, र हाम्रो जीवनको रक्षा गरिरहेको हुन्छ । दुर्घटना, शल्यक्रिया वा अन्य आकस्मिक अवस्थामा रगतको आवश्यकता पर्छ ।
त्यस्तो बेला रगतको विकल्प केही हुँदैन । रगत सबैलाई आवश्यक पर्न सक्छ । त्यसैले, रक्तदान गर्नु केवल सामाजिक उत्तरदायित्व मात्र नभई जीवन जोगाउने पुण्य कार्य पनि हो । सामान्यतया एक पटक रक्तदान गरीसके पछि अर्को पटक ३ महिना पछि रक्तदान गर्न सकिन्छ । रक्तदान गर्नका लागि सामान्यतया ५० केजी तौल भएको कम्तीमा पनि १८ वर्ष र बढीमा ६० वर्षको सीमा तोकिएको छ । रक्तदान गर्नु जीवन दान गर्नु हो ।
रगत अभावमा कसैले ज्यान गुमाउनु नपरोस भन्ने उदेश्यले सबैले रक्तदान गर्न जरुरी छ । मानव रक्तसमुह ८ प्रकारका हुन्छन् र आफ्ना रगत समूह अनुसारका मेल खाने समूहका रगत उनीहरूमा चढाउने गरिन्छ । यसरी रगत दिन या चढाउन अगावै दाताहरूको रगतमा कुनै सङ्क्रमण छ या छैन भनेर जाँच गरिन्छ । दाताहरूलाई उनीहरूको मेडिकल इतिहास र स्वास्थ्यका बारेमा जानकारी लिइन्छ । किनकी मानव स्वाश्थ्यका लागी रगतको महत्व धेरै छ ।
मानव रगत समूह पत्ता लगाउने वैज्ञानिक कार्ल ल्याण्डस्टिनरको जन्मदिन १४ जुनको अवसर पारेर हरेक वर्ष १४ जुन मा रक्तदाता दिवस मनाइन्छ । विश्व स्वास्थ्य सङ्गठनको आह्वानमा सन् २००४ देखि यो दिवस मनाउन सुरु गरिएको इतिहास छ । यो दिवसलाई रक्तदान दिवस भनेर पनि मनाउने गरिन्छ । रक्तदाता दिवसका अवसरमा रक्तदान कार्यक्रम सहित रक्तदानको महत्त्वबारे जानकारी दिने खालका रयाली, कोणसभा, प्रभात फेरी लगायत चेतनामूलक कार्यक्रमहरू आयोजना गरिंदै आएका छन ।
गतको महत्त्व बुझाउँदै आवश्यकताबारे जनचेतना फैलाउन र मानव जीवन बचाउने रक्तदाताहरूको योगदान प्रति कृतज्ञता स्वरूप अभियानका रूपमा दिवस मनाउने गरिन्छ । रक्तदानको आवश्यकताबारे जागरूकता बढाउन ,नयाँ रक्तदाताका रूपमा युवाहरूलाई उत्प्रेरित गर्न एवं नियमित रक्तदाताहरूलाई सम्मान गर्न दिवसले भूमीका खेलेको छ ।
रगतको आवश्यकतालाई परिपूर्ति गर्ने रक्तदाताहरुको कदर स्वरूप नेपालमा पनि विसं २०७० जेठ ३० र ३१ गते प्रथम रक्तदाता सम्मेलन समेत आयोजना गरिएको थियो । यती खेर पनि मनाईएको छ । रगत सबैलाई आवश्यक भएकाले रक्तदान,जीवन दान भएकाले रक्त दान गर्नु पर्छ भन्ने भावनाको विकास होस भन्ने विश्व रक्तदाता दिवसको शुझकामना । रक्तदान भन्दा ठुलो कुनै दान हुन सक्ने भएकाले रक्त दान गरौ ।
