असार ०५ धनगढी । विभिन्न राजनैतिक दलबाट निर्बाचित दलित महिला सदस्यहरुले आफुले बोलेको कुरा लागु नहुने गुनासो गरेका छन । विहीबार धनगढीमा सम्पन्न नेपालमा दलित महिला र किशोरीहरुको मानव अधिकार प्रर्बदन परियोजना अन्र्तगत स्थानीय तहका महिला जनप्रतिनीधिहरुको साझा मञ्चको नियमीत बैठकमा सहभागी दलित महिला सदस्यहरुले यस्तो गुनासो गरेका हुन ।
बजेट बनाउने समयमा दलित समुदायका सवालहरुलाई बढी भन्दा बढी कसरी बजेट तथा योजनामा समेटन सकिन्छ भन्ने उदेश्यमा केन्द्रित रहेको बैठकमा वडा नम्बर ३ की अन्जु मगरातीले दलित महिला सदस्यहरुले बोलेको केही नलाग्ने बताईन ।
उनले दलित समुदायका लागी बजेट छुट्याउन भने पनि पछाडी विपन्न गरिव थपेर बजेट विनीयोजन गर्ने गरेको बताईन । त्यसैगरी वडा नम्बर ९ की दलित महिला सदस्य शारदा ताम्राकारले दलित समुदायका लागी बजेट छुट्यो भने महिला,गरिब थपेर छुट्याउने गरेको बताईन ।
जातीय विभेदलाई हटाउन दलित र गैरदलित बिचको सामाजीक अन्तर्घुलन जस्ता कार्यक्रमहरुका लागी बजेटको ब्याबश्था गर्नु पर्ने बताईन । जातीय विभेदको गहिरो खाल्डोलाई पुर्न तालीम गोष्ठि र छलफलका कार्यक्रमहरु गर्न पनि बजेटको ब्याबश्था गरिनु पर्ने उनले बताईन । दलित महिला संघ फेडोकी अध्यक्ष सविना सुनारले आफना मागहरुलाई बजेट तथा योजनामा समेटन दलित महिला सदस्यहरुले प्रभावकारी भूमीका खेल्नु पर्ने बताईन ।
जातीय विभेद, आय आर्जन र चेतना अभिबृद्धी जस्ता कार्यक्रमहरु समेटन भूमीका खेल्नु पर्ने बताईन । बाटो बनाएर मात्र विकास नहुने बताउदै अध्यक्ष घीमीरेले क्षमता अभिबृद्धी आय आर्जन र चेतना विकासमा जोड दिएर मानविय विकासमा जोड दिनु पर्ने बताईन । वडाका समस्याको पहिचान गरेर निती बनाएर बजेटको ब्यस्बस्था गर्न दलित महिला सदस्यहरु सक्षम हुनुपर्ने उनले बताईन ।
त्यसैगरी दलित महिला संघ फेडोका कार्यक्रम संयोजक विनोद घिमीरेले समुदायको आवश्यकता अनुसार काम गरी समस्याको समाधान गरिनु पर्न नितीगत रुपमा ब्याबश्थागरी बजेट छुटयाउनु पर्ने बताए । आवश्यकताको पहिचान गरी कार्यक्रम बनाउन जरुरी भएको बताउदै उनले स्थानीय निकाय दलितका सवालमा बढी जिम्मेवार हुनुपर्ने बताए ।
समग्र बिकाशका लागी चेतन लागायत बिकृती बिसङती हटाउने खालका निती तथा आयोजना बनाएर बजेटको ब्याबश्था गरिनु पर्ने उनले बताए । त्यसैगरी धनगढी उपमहानगरपालीका कार्यपालीका सदस्य चक्र नेपालीले चुप लागेर बस्ने बानीले गर्दा सम्स्या भएको बताए । वडा अध्यक्षको मुख हेरेर केही नबोल्ने बानीले दलितका समस्या समाधान हुन नसकेको बताए ।
आफ्ना कुराहरु राख्ने र नसुने असहमती जनाउनु पर्ने उनले बताए । उनले छुवाछूत निगरानी तथा अनुगमन समिति गठनका लागी प्रयास भई रहेको बताए । दलितका सवालमा काम गर्न पनि सहज हुने भएकाले छिटो भन्दा छिटो समिति गठन गर्न सबैले सहयोग गर्नु पर्ने नेपालीले बताए । कसैलाइ काखा कसैलाई पाखा गर्ने काम कसैले गर्न नपाउने बताउदै उनले उपेक्षित उत्पीडीतका सवालमा बजेटको ब्याबश्था हुनु पर्ने बताए ।
आर्थिक रुपमा बिपन्न दलित महिलाहरुलाई केन्द्रमा राखेर योजना बनाउन जरुरी भएको बताउदै उनले आफुले बोलेका विषयमा अडीग हुनु पर्ने बताए । त्यसैगरी साझा मञ्चकी संयोजक माया देवी तामा्रकारले वडा नमबर ५ मा कुनै समस्या नभएको बताउदै वडा अध्यक्षले आफुसंग सल्लाह गरेरै काम गर्ने गरेको बताईन ।
दलित महिलाहरुले आत्मनिर्भर बन्न आवश्यक भएको बताउदै उनले आत्म निर्भरका कार्यक्रमहरु अगाडी सार्नु पर्ने बताईन । दलित महिला संघ फेडो कैलालीका संयोजक विनोद घीमीरेले दलित महिला सदस्यले खेल्नु पर्ने भूमीकाका विषयमा आफ्नो प्रस्तुती दिएका थिए ।
