जेठ २१ धनगढी । परराष्ट्र मन्त्री डा. आरजु राणा देउवाले वर्तमान सरकारको प्राथमिकता राजनीतिक स्थायित्व कायम राखेर देशको आर्थिक विकास गर्ने भएको बताएकी छिन् ।
बुधबार सुदूरपश्चिम प्रदेश सरकारद्वारा आयोजीत लगानी तथा विकास सम्मेलनका लागि पूर्वतयारी स्वरूप प्रि–समिट सम्मेलनलाई सम्बोधन गर्दै मन्त्री डा. राणाले यस्तो बताएकी हुन । देश राजनीतिक अस्थिरताको बन्दी बनेपछि स्थायित्व दिन कांग्रेस–एमालेको सरकार बनेको उनले बताईन ।
‘देश राजनीतिक अस्थिरताको बन्दी बनेपछि स्थायित्व प्रदान गर्न दुई प्रमुख दल कांग्रेस र एमालेको सरकार बनेकोबताउदै उनले यो सरकारको प्राथमिकता स्थायित्व, आर्थिक विकास र शान्ति भएको उनले बताईन ।
मन्त्री राणाले कुनै पनि देशमा स्वदेशी तथा वैदेशिक लगानीका लागि सबैभन्दा पहिला राजनीतिक स्थायित्व र शान्तिको वातावरण आवश्यक पर्ने भएकाले यसका लागि सरकारले काम गरिरहेको बताइन् । सरकार स्वदेशी तथा विदेशी लगानी प्रवद्र्धनमा लागेको पनि उनले बताइन् ।
मन्त्री राणाले सरकारको आर्थिक विकासको एजेण्डालाई थप प्रवद्र्धन गर्न आफूले परराष्ट्र मन्त्रालयमा अलग्गै आर्थिक कूटनीति महाशाखाको स्थापना गरेर कूटनीतिका माध्यमबाट विदेशी लगानी भित्र्याउने कामका लागि सहजीकरण गरिरहेको बताइन् ।
सुदूरपश्चिम प्रदेश सरकारले आयोजना गर्न लागेको लगानी तथा विकास सम्मेलनका लागि पूर्वतयारी स्वरूप प्रि–समिट आयोजना गरिएको हो ।
‘सुदूरपश्चिमको सशक्तीकरण ः लगानी, नवप्रवर्तन र उन्नति’ मूल नाराका साथ सुदूरपश्चिम प्रदेश सरकारले लगानी तथा विकास सम्मेलन असोज १ र २ गते आयोजना गर्ने भएको छ ।
