जेठ १२ धनगढी । एकीकृत समाजवादीका महासचिव घनस्याम भुषालले प्रधान मन्त्री ओली ७ जन्म सम्म राजनीति गर्न अयोग्य भएको बताएका छन । सोमबार धनगढीमा आयोजित पार्टीको विस्तारित बैठकलाइ सम्बोधन गर्दै महासचिव भुषालले यस्तो बताउका हुन । सुखी नेपाली, समृद्ध नेपाल” यो हामीले तयार गरेको अवधारणा हो । यसमा ओली जी पुरै अनविज्ञ छन् । उनको लागि यो अवधारणा संस्कृतको मन्त्र जस्तै हो ।
खासै नबुझ्ने तर हरेक पटक जपी रहने उनले भने । संविधानको संरक्षण गर्नका लागि ओलीलाई छोडेको बताउदै नेता भुषालले संविधानको मर्म र समाजवादका लागि समाजबादीसँग गठबन्धन गर्न सकिने बताए । ८४ सम्म कांग्रेस , एमाले खोज्नु पर्ने अवस्थामा पुग्ने बताउदै उनले केपी ओली सात जन्मसम्मको लागि राजनीति गर्न अयोग्य पात्र भएको बताए ।
ओलीको नालायकीपन अव धेरै नटिक्ने बताउदै उनले ओलीका बहुरङ्गी सांसद ८४ सम्म मात्र रहने बताए । नेता भुसालले राजाको वारेमा समेत कटाक्ष गर्र्दै राजा आए पनि अस्थिरता रहि रहिरहने बताए । यो अवस्था आउनुमा मुख्य कारण सत्ताधारी गणतन्त्रले गणतन्त्रको मूल्य नबुझ्नु भएको उनले बताए ।
नेता भुषालले माओवादीका अध्यक्ष प्रचण्डको तारिफ गरेका छन । प्रचण्ड जीसँग अरु भन्दा केही बढी राजनीतिक कुशलता रहेको बताउदै उनले प्रचण्डको ध्यान रोजगारी, सुशासनमा केन्द्रित रहेको बताए । रोजगारी र सुशासन अहिलेको मुख्य समस्या भएको बताउदै उनले यसलाई समाधान गर्नु सबैको दायित्व भएको बताए ।
अहिलेको अस्थिरताको कारण पूर्वराजा नभई गणतन्त्रवादी नेता भएको बताउदै उनले प्रचण्डले झ्यालबाट भए पनि सत्तामा छिर्ने बाटो खोजिरहेको बताए । प्रचण्ड विभिन्न अभियानका नाममा देशका विभिन्न ठाउँमा पुगिरहेको बताउदै उनले सत्ता गठबन्धनमा केही समस्या देखिकाले सरकार केही दिनमा ढल्ने बताए । प्रचण्ड अभियान स्थगित गरेर काठमाडौँ पुगेको बताउदै उनले प्रचण्डको ध्यान पुरै सत्तामा भएको बताए ।
महासचिव भुषालले नेपाली कांग्रेस र नेकपा एमालेको वर्तमान गठबन्धन सत्ताको दोहोनका लागि बनेको बताउदै उनले बाहिर गठबन्धनको उद्देश्य संविधान संशोधन, स्थिरता भनिए पनि खासमा सत्ता दोहनका लागि भएको बताए । अहिले देखिएको गृहमन्त्रीको भिजिट भिसा काण्ड सामान्य काण्ड मात्र भएको बताउदै उनले यस्ता काण्ड दिनैपिच्छे हुने गरेको बताए ।
नेकपा कालमा देउवालाई फिरौती दिएर पनि संविधान जोगाएको बताउदै उनले त्यतिबेला कांग्रेसले कुर्ची पाउने भएपछि मात्र संविधानका पक्षमा बोलेको उनले बताए । समृद्ध नेपाल सुखी नेपाली भन्ने नारा ओलीका लागि मन्त्र बनेको बताउदै उनले त्यसको मर्म उनलाई थाहा नभएको बताए ।
समृद्ध नेपाल सुखी नेपाली नारा तत्कालीन नेकपा एमालेको नवौं महाअधिवेशनमा आफुहरुले ल्याएको बताउदै उनले ओलीलाई थाहै नभएको बताए । नेकपा एकीकृत समाजवादी गठनपछि आन्दोलनमा जान नसकेका कारण बलियो पार्टी बन्न नसकेको बताउँदै भुषालले अब आन्दोलनको विकल्प नरहेको बताए । अबको आन्दोलन जनताका हक अधिकारका पक्षमा हुनुपर्ने उनले बताए ।
