फागुन सकिएर चैत्र महिना सुरु भई सकेको छ । हावाहुरी र आगलागीका घटनाहरु बढी हुने समय पनि यही हो । पानी पर्न छोडेर बनपाखा जंगल जताततै सुख्खा हुने भएकाले यो समयमा बढी आगलागीका घटनाहरु हुने गरेका छन । त्यसैले आगलागीबाट सबैले साबधान हुन जरुरी छ । बन जंगलमा आगो लाग्न नदिन उपभोक्ता र स्थानीय सर्तक हुन जरुरी छ ।
आगलागीका घटना हुँदा धनजनको क्षति हुन सक्छ । जंगल नासीनुकासाथै वन्यजन्तुको ज्यान जान सक्छ । त्यसैले उपभोक्ता र स्थानीले जताततै आगोको प्रयोग गर्नु हुदैन र गरीहालेमा राम्ररी निभाउने गर्नु पर्दछ ।
आगो लागिसके पछि इनार खन्ने चलनको अन्त्य गरी समयमै सर्तकता अपनाउन सके हुन सक्ने क्षेतीलाई कम गर्न सकिन्छ । प्राकृतिक भन्दा बढी मानवीय कारणबाटै आगलागी हुने भएकाले नियन्त्रणका लागी पनि मानिसनै सचेत हुन जरुरी छ । सहर बजार र घरमै पनि यो समयमा आगलागी बढी हुने गरेका छन ।
आगलागी नियन्त्रण गर्न पहिला हामीनै सचेत हुन जरुरी छ । आगलागी भईहाले पनि आगो निभाउने जानकारी आम नागरिकमा हुन जरुरी छ । आगलागी भईहालेमा कसरी नियन्त्रण गर्ने भन्ने विषयमा राज्यको पहल आवश्यक छ । स्थानीय र उपभोक्ताहरुले पनि नागरिक दायित्वबाट पछि नहटी कर्तब्यको पालना गर्न आवश्यक छ ।
आगो लाग्न नदिने उपायहरु उपभोक्ता र स्थानीय सबैले अबलम्बन गर्नु पर्छ । आगलागीबाट बच्न र बचाउन सबैले सक्रिय भएर लाग्न जरुरी छ । आगलागी नियन्त्रण कसरी गर्न सकिन्छ भन्ने विषयमा सबैले जानकारी हासिल गर्नु जरुरी छ । आगलागीका घटनाहरु हुन नदिने गरी सबैले लाग्न जरुरी छ । आगलागीबाट बर्चौ र बचाऔ भन्ने चेतनाको विकास गर्न जरुरी छ ।
