फागुन १६ धनगढी । धनगढी उपमहानगरपालिका वडा नम्बर–१६ रामपुरको महादेवा ताललाई पर्यटन विभागले व्यवस्थित गर्ने भएको छ । संस्कृति, पर्यटन तथा नागरिक उड्डयन मन्त्रालय मातहतको पर्यटन विभागले महादेवा ताललाई व्यवस्थित गर्ने भएको हो ।
२०८१ असार १८ गते पाँच करोड १२ लाख १५ हजार एक सय ४६ रुपैयाँमा ठेक्का सम्झौता गरिएको थियो ।
बेहडाबाबा मन्दिर व्यवस्थापन समितिले तयार पारेको २८ करोडको विस्तृत योजना प्रतिवेदन मध्ये पाँच करोड १२ लाखको काम सुरु भएको छ ।
बेहडाबाबा मन्दिर व्यवस्थापन समितिका अध्यक्ष पदमराज जोशीले ताल क्षेत्रमा सात किलोमिटर बल्क लगाउने काम गरिने बताए ।
२८ करोडको डिपीआर तयार गरिएको बताउदै उनले पहिलो चरणमा २ करोड ५० लाखको काम भएको जानकारी गराउदै पाँच करोड १२ लाखको काम हुने बताए ।
तालको चारै तिर पैदलयात्राका लागि टायलहरू राखिएको बताउदै उनले महादेवा तालका लागि १० करोड रुपैयाँ अझै आवश्यक रहेको बताए । सात किलोमिटर बल्क लगाउने योजना रहेको बताउदै जोशीले १० करोड बजेट अझै आवश्यक भएको बताए ।
मन्दिर सम्म जान तालमा पुल निर्माण गर्नु पर्ने र लाइटहरू लगाउनु पर्ने जोशीले बताए । बेहडाबाबाको महावेदा ताल क्षेत्रमा विद्युत् लाइट जडान, भ्यूटावर निर्माण र महादेवा मन्दिर सम्म जानका लागि पुल निर्माणको योजना रहेको उनले बताए ।
ताल क्षेत्रमा ढुङ्गाको पर्खाल समेत निर्माण हुने बताउदै उनले ताल क्षेत्रमा वनभोजका लागि पनि ठाउँहरू राखिएको बताए ।
ताल क्षेत्रमा धार्मिक तथा पर्यटकीय रूपमा विकासका कामहरू सुरु गरिएको बताउदै जोशीले पैदल मार्ग र तालमा पर्खाल निर्माणको काम जारी रहेको बताए ।
धनगढीको बेहडाबाबा मन्दिर क्षेत्र व्यवस्थापनको काम पूरातत्त्व विभाले गर्दै छ भने, महादेवा ताल क्षेत्रमा संरचना निर्माणको काम पर्यटन विभागले गरिरहेको छ ।
