पौष २५ धनगढी । जिल्ला प्रहरी कार्यालय, कैलालीका एक जना प्रहरी सहायक निरीक्षकले रोधीघरमा नाङ्गो नाँच देखाउने गरेको भन्दै कारबाही गरिएको छ । जिल्ला प्रहरी कार्यालय, कैलालीको उजुरी तथा छानबिन शाखामा कार्यरत अमर भण्डारीलाई जिम्मेवारीबाट हटाए कारबाही गरिएको हो ।
जिल्ला प्रहरी कार्यालय, कैलालीका प्रमुख, प्रहरी उपरीक्षक पदमबहादुर विष्टले कारबाही सरूप भण्डारीलाई जिम्मेवारीबाट हटाएको जानकारी गराए । तर उनी जिल्ला प्रहरी कार्यालय, कैलाली मातहतमा कार्यरत हुने बताईएको छ ।
धनगढीको बुद्धचोकस्थित बाडुली रोधीघर एण्ड रेस्टुरेन्ट बारलाई उनले आफ्नो भन्दै आएको र सोही रोधिघरमा भएको एक लफडाको विषय जिल्ला प्रहरी कार्यालयमा आएको बताइएको छ ।
उक्त प्रकरणमा उनको स्वार्थ जोडिएको भन्दै गुनासो आएपछि शाखाबाट हटाएर ड्युटी लगाइएको बताईएको छ । भण्डारीले रोधीघरमा नाङ्गो नाच देखि विभिन्न लफडा गर्दै आएको बताईएको छ । राती १२ बजेसम्म रोधीघरमा प्रहरीकै कर्मचारीहरू मदिरामा रमाउने गरेको बताइएको छ ।
