मंसिर ०४ धनगढी । नागरिक उन्मिुक्ति पार्टीका केन्द्रीय उपाध्यक्ष रतनबहादुर थापा र सुदूरपश्चिम प्रदेशकी मन्त्री समेत भईसकेकी टिका थापा नेता दम्पतीका छोरा तेजबहादुर थापा ईन्जिनियरिङ छोडेर बलक उद्योगमा स्थापीत हुँदै गएका छन । १३ वर्षअघि इन्जिनियरिङ पढेर काठमाडौँबाट फर्किएका थापा टीकापुरमा व्यवसायीका रूपमा बलक उद्योगमा स्थापित हुँदै गएका हुन् ।
टीकापुरमा व्यवसायीका रूपमा स्थापित बन्दै गएका थापाका बुवा रतन थापा एमालेको कैलाली जिल्ला अध्यक्ष हुँदै हाल नागरिक उन्मुक्ति पार्टीको केन्द्रीय उपाध्यक्ष छन् । सुदूरपश्चिम प्रदेश सभा सदस्य समेत भइसकेका छन । आमा टिका थापा २०७४ सालको स्थानीय तहको निर्वाचनमा लम्कीचुहा नगरपालिकाको उपप्रमुख हुँदै नागरिक उन्मुत्तिः पार्टीको तर्फबाट सुदूरपश्चिम प्रदेश सरकारमा मन्त्री समेत भईसकेकी छिन ।
आफ्नै क्षमताले काम गर्न रुचाउने थापा कङ्क्रिट ब्लक व्यवसायीका रूपमा स्थापित बन्न सफल भएका छन । उनले २०६८ साल देखि टीकापुरमा अनुपमा कङ्क्रिट ब्लक उद्योग सञ्चालन गर्दै आएका छन् । अध्ययनका हिसाबले इन्जिनियर बन्नुपर्ने थापाले आर्थिक उन्नतिको सपना व्यवसाय गरेर मात्रै पूरा गर्न सकिने बताए ।
विदेशमा गर्ने मेहनत स्वदेशमा गर्दा सोचेको भन्दा राम्रो आम्दानी गर्न सकिने बताउदै उनले विदेशमा गएर अरुको काम गर्नुभन्दा स्वदेशमा रोजगारी सृजना गरेर अरुलाई स्वरोजगार बनाउन पाउँदा खुसीलागेको बताए । जागिर खान समस्या नभएको बताउदै उनले लोकसेवा लडेर जागिर खान सकिने भए पनि ब्याबसाय गर्नुको मजा बेग्लै भएको बताए ।
राजनीतिक पहुँचकै भरमा भए पनि जागिर खान सक्ने उनको स्थिति रहेको छ । सानैदेखि केही गर्नुपर्छ भन्ने मानसिकता बोकेको बताउदै उनले त्यसकारण बुबाआमासँग नजिक नभएको बताए । आमा मन्त्री बन्दा एक महिना पछि भेट्न गएको बताउदै थापाले सबैले आआफ्नो गरेर खाएको बताए । कसैले कसैप्रति निर्भर हुनु नपरेको बताउदै यही खुसीको कुरा भएको बताए ।
आफ्नो व्यवसायबाट आठ–दश जनाको परिवार पालिएको बताउदैै उनले त्यसमा आफूलाई गर्व लाग्ने गरेको बताए । राजनीतिक संस्कार गलत भएका कारण आफुले राजनीतिक क्षेत्रमा चासो नदिएको बताउदै उनले कुनै दलको सिद्धान्त भन्दा बाहिर रहेर निःस्वार्थ समाजसेवामा लाग्ने रहर भएको बताए । आफुबाट सिकेर धेरैले ब्लक उद्योग समेत सञ्चालन गरेको उनले बताए ।
