असोज ०४ धनगढी । कैलाली र कञ्चनपुरका विभिन्न स्थानबाट प्रहरीले ७ लाख बढीका भन्सार छलीको सामान बरामद गरेको छ ।
कैलालीको धनगढी उपमहानगर पालीका वडा नम्बर २ आदर्श टोल, वडा नम्बर ३ ट्राफिक चौराहा, वडा नम्बर १४ गडाघाट, गोदावरी नगरपालीका वडा नम्बर ४ हनुमान मन्दिर नजिक, भजनी नगरपालीका वडा नम्बर ३ कांडा, वडा नम्बर ७ हिक्मतपुर, वडा नम्बर ८ खैरा र टिकापुर नगरपालीका वडा नम्बर ९ पायलगाउबाट ५ लाख ६५ हजार ८ सय ३० रुपैया बराबरको सामान बरामद गरेको प्रहरीले जानकारी गराएको हो ।
त्यस्तै कंञ्चनपुरको भिमदत्त नगरपालीका वडा नम्बर १७ खल्ला र बेलौरी नगरपालीका वडा नम्बर २ टेडुवाबाट १ लाख ६३ हजार ५ सय रुपैया बराबरको सामान बरामद गरेको प्रहरीले जनाएको छ ।
प्याज, चिनी, मिश्री, पास्ता, धनियाँ, किसमिस, बदाम, पिनेट,बिडी, सुर्ती, खेलौना, कस्मेटिकका सामान, सुटपिस, धोती, भाँडाकुँडा, १ थान मोटरसाइकल लगायतका सामानहरु बेबारिसे अवस्थामा फेला पारी नियन्त्रणमा लिएको प्रहरीले जानकारी गराएको छ ।
जिल्ला प्रहरी कार्यालय कैलाली तथा कंञ्चनपुर मातहत कार्यालयहरुबाट खटिएको प्रहरी गस्ती टोलीले उक्त सामान बरामद गरिएको जनाईएको छ ।
