असोज ०२ कञ्चनपुर । कञ्चनपुरमा प्रहरीले झण्डै साढे ८ लाख बराबरको अवैध सामान बरामद गरेको छ । सुदूरपश्चिम प्रदेश प्रहरी कार्यालय धनगढीका अनुसार दुईटै जिल्लाका विभिन्न स्थानबाट ८ लाख ३३ हजार ६ सय ७५ रुपैया मूल्य बराबरको अवैध सामान बेवारिसे अवस्थामा प्रहरीले बरामदको हो ।
कैलालीको धनगढी उप–महानगरपालिका वडा नम्बर–२ ट्राफिक चौराहा र हल्दुघाट, धनगढी उपमहानगरपालीका वडा नम्बर–७ बेली र मनेहरा, धनगढी उपमहानगरपालीका वडा नम्बर–९ त्रीवेणीघाट, धनगढी उपमहानगरपालीका वडा नम्बर–१० जुगेडा, धनगढी उपमहानगरपालीका वडा नम्बर–१२ कम्पनी टोल, भजनी नगरपालिका वडा नम्बर–१ गोदावरी चोक, भजनी नगरपालिका वडा नम्बर–३ फडरिया र भजनी नगरपालिका वडा नम्बर–७ हिक्मतपुर र चर्राबाट अवैध रुपमा भारतबाट भन्सार छली ल्याएका अन्दाजी ५ लाख ३१ हजार १ सय ९७ मूल्य बराबरको सामान बरामद गरिएको प्रहरीले जानकारी गराएको हो ।
चिनी, सरप, बिस्कुट, सुर्ती, पटका, तरकारी, दाल, खानेतेल, सुटपिस, कुर्ती, गन्जी, फ्राक, मोटरसाइकलको सिट कभर, क्लोज ब्रेक कभर, हर्न, मोटरसाइकल एक थान लगायतका सामानहरु जिल्ला प्रहरी कार्यालय कैलाली तथा मातहतका कार्यालयबाट खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको प्रदेश प्रहरीले जानकारी गराएको हो ।
त्यसैगरीै, कञ्चनपुरको भीमदत्त नगरपालिका वडा नम्बर–११ चौकिसत्ता, बेलौरी नगरपालिका वडा नम्बर–६ हात्तिबोझा र नकैयाबाट अवैध रुपमा भारतबाट भन्सार छली ल्याएका अन्दाजी ३ लाख २ हजार ६ सय ७५ रुपैया मूल्य बराबरको स्टेसनरी, हार्डवेयर, कस्मेटिक, साइकल, किरानाका सामान, मिठाइ, जुत्ताचप्पल लगायतका सामानहरु जिल्ला प्रहरी कार्यालय कञ्चनपुर मातहतका कार्यालयहरुबाट खटिएको गस्ती टोलीले बेवारिसे अवस्थामा फेला पारी नियन्त्रणमा लिएको जानकारी गराइएको छ ।
