भदौ १७ धनगढी । धनगढीको ऐरपोर्टबाट २१ ओटा एप्पल आईफोन सहित १ जनालाई प्रहरीले पक्राउ गरेको छ । कैलालीको घोडाघोडी नगरपालिका वडा नम्बर१ सुख्खडका २७ वर्षीय राजु चौधरीलाई प्रहरीले २१ ओटा एप्पल आईफोन सहित पक्राउ गरेको हो ।
काठमाण्डौँ पठाउने क्रममा धनगढी विमानस्थलको प्रवेश द्वारमा रहेको मेसिनमा स्क्यान गर्दा मोबाइलहरू फेला परेको जिल्ला प्रहरी कार्यालय कैलालीले जानकारी गराएको हो । बरामद गरिएका आईफोनहरूको मूल्य ८ लाख ४० हजार बराबर रहेको प्रहरीले जनाएको छ ।
उनलाई पक्राउ गरी आवश्यक कारवाहीको लागि त्रिनगर भन्सार कार्यालय कैलाली पठाइएको प्रहरीले जानकारी गराएको छ ।
