फागुन २८ धनगढी । मेला महोत्सवमा स्थानीय उत्पादनले बजार पाउन थालेको छ । विभिन्न स्थानमा आयोजना गरिने मेला तथा महोत्सवमा स्थानीय उत्पादनले बजार पाउन थालेको हो । कञ्चनपुरको बेलौरी नगरपालिका वडा नम्बर–९ रामघाटकी सुशीला चौधरीले मेला महोत्सवमा स्थानीय उत्पादनले बजार पाउन थालेको बताईन ।

कञ्चनपुरको महेन्द्रनगरमा उद्योग वाणिज्य सङ्घले आयोजना गरेको मेलामा आफुले उत्पादन गरेका दुनाटपरीको विक्री बढेको उनले बताईन । गाउँकै नौ जना महिलालाई जुटाएर दुनाटपरी बनाउने उद्योग सञ्चालन गरेको बताउदै उनले गत मङ्सिरदेखि दुनाटपरी बनाउन थालेको बताउदै मेलामा दुनाटपरी बेच्न भ्याइ नभ्याइ भएको बताईन ।

मेलामा प्रदर्शनी कक्ष थापेको बताउदै उनले गाउँमै उत्पादित दुनाटपरी बेच्दै आएको बताईन । दुनाटपरी निकै रुचाइएको बताउदै उनले मेलाले गर्दा बजारीकरणमा सहज भएको बताईन । विभिन्न आकारका दुनाटपरी उत्पादन गरेर बिक्रीका लागि राखिएको बताउदै उनले गाउँ नजिकैको रामघाट सामुदायिक वनबाट पात सङ्कलन गरेर दुनाटपरी तयार गर्ने गरेको बताईन । दुनाटपरी बनाउन दश जना महिलाहरु संलग्न रहेको उनले जानकारी गराईन । बिहानै जङ्गल गएर सालको पात टिप्ने गरेको बताउदै उनले पात सुकाए पछि सिन्काले जोडिने बताईन । त्यसपछि मेसिन राखेर दुनाटपरीको आकार दिने गरेको उनले बताईन ।

त्यसैगरी बैतडीको दोगडाकेदार गाउँपालिका वडा नम्बर–७ का टेकबहादुर कार्कीले पनि महोत्सवमा डोको, सुप्पो, दलहन, अचार, घ्यू, मह लगायत स्थानीय उत्पादनको प्रदर्शनी कक्ष राखेका छन् । उनले बैतडीमा निगालोबाट बनाएका डोको, सुप्पा बिक्रीका लागि महेन्द्रनगर ल्याएको बताए । उनले कैलाली कञ्चनपुरका मेला महोत्सवमा स्थानीय उत्पादनको बिक्री हुने गरेको बताए । बैतडीमा उद्यु उद्यममा उत्पादन गरिएका वस्तु बिक्री गर्ने गरेको उनले बताए । कतिपय वस्तु स्थानीयबाट सङ्कलन गरेर ल्याउँने गरेको बताउदै उनले प्रचार प्रसार राम्रो भएको बताए । बिक्री पनि राम्रै हुने गरेको उनले बताए ।

यही फागुन २१ गते देखि महेन्द्रनगरमा ‘सुदूरपश्चिम प्रदेशस्तरीय औद्योगिक व्यापार मेला तथा कञ्चनपुर पर्यटन महोत्सव’ सञ्चालन भई रहेको छ । मेलाले स्थानीय स्तरमा उत्पादित कृषि, खाद्य सहितका वस्तु तथा सेवाको प्रचार प्रसार, प्रवर्द्धन र बजारीकरणमा टेवा पु¥याएको संघका अध्यक्ष पिताम्बर जोशीले बताए । स्थानीय स्तरमा उत्पादित खाद्यान्न, कृषि उत्पादन तथा लघु उद्यमलाई प्राथमिकतामा राखिएकोे उनले   बताए । दिनहुँ सयौँले अवलोकन गरिरहेको बताउदै उनले उत्पादनको प्रचार प्रसार भइरहेको बताए ।

पहिलो पटक मेलामा थारु समुदायको मौलिक परिकार सहितको थारु गाउँ पनि राखिएको उनले बताए । थारु मौलिक पहिचान झल्किने सङ्ग्रहालय तथा परिकार ढिक्री, घुँगी, माछा, सुँगुरको मासु लगायत रहेको उनले बताए । त्यसैगरी कैलालीको जोशीपुर गाउँपालिका वडा नम्बर–६ सिमरीका अञ्जुराज डगौँराले “मेला महोत्सवमा थारु परिकार बेच्न लागेको आठ वर्ष भएको बताउदै सिजनमा तीन÷चार लाख आम्दानी हुने गरेको बताईन ।