माघ १७ धनगढी । सुदूरपश्चिम प्रदेश सरकारका आर्थिक मामिला मन्त्री नरेशकुमार शाही र गैरआवासीय नेपाली संघ (एनआरएनए) वीच छलफल भएको छ । मन्त्री शाहीले सुदूरपश्चिम प्रदेशमा लगानीका संभावनाका बारेमा गैरआवासीय नेपाली संघका पदाधिकारी विच छलफल भएको हो ।
मंगलबार गैरआवासीय नेपाली संघको केन्द्रीय कार्यालयमा पुगेका मन्त्री शाही र संघका अध्यक्ष डा. बद्री केसी लगायतका ब्याक्तिहरुसंग छलफल भएको हो । छलफलमा उनले सुदूरपश्चिम प्रदेश लगानीको लागि उत्कृष्ठ गन्तव्य भएकाले लगानी गर्न प्रवासमा बस्ने नेपालीहरुलाई आग्रह गरेका हुन ।
उनले यसअघि गैरआवासीय नेपाली संघले सुदूरपश्चिम प्रदेशमा गरेको परोपकारी कामप्रति आभार व्यक्त गर्दै आगामी दिनमा संघसंग सहकार्य गर्दै अगाडि बढ्ने प्रतिबद्धता जाहेर गरेका छन । संघका अध्यक्ष डा. बद्री केसीले गैरआवासीय नेपाली संघले आगामी दिनमा प्रदेश सरकारसंग मिलेर काम गर्ने नीति लिएको जानकारी गराए ।
छलफल कार्यक्रममा गैरआवासीय नेपाली संघकी महिला उपाध्यक्ष रोजिना राई प्रधान, सल्लाहकार टिबी कार्की र संघका प्रमुख कार्यकारी अधिकृत राजेन्द्रकुमार राउत र गैरआवासीय नेपाली नागिरकता सम्बन्धि श्रोत व्यक्ति सरोज दाहाल लगायतको उपस्थिति रहेको बताईएको छ ।
