साउन ०९ बैतडी । निर्माण व्यवसायी संघ बैतडीले सरकारलाई ज्ञापन पत्र बुझाएको छ । विभिन्न माग राख्दै निर्माण व्यवसायी संघ बैतडीले जिल्ला प्रशासन कार्यालय मार्फत मंगलबार नेपाल सरकारलाई ज्ञापन पत्र बुझाएको हो ।
निर्माण कार्यको भुक्तानी हुनुपर्ने, सबै आयोजनाहरूको एकमुष्ट रुपले म्याद थप हुनु पर्ने लगायतका नौ बुँदे माग अघि सारेर निर्माण व्यवसायी संघ बैतडीले सरकारलाई ज्ञापन पत्र बुझाएको निर्माण व्यवसायी संघ बैतडीका महासचिव बिकास चन्दले जानकारी दिए ।
निर्माण कार्यको भुक्तानी हुनुपर्ने, सबै आयोजनाहरूको एकमुष्ट रुपले म्याद थप हुनुपर्ने भन्दै देशभरका निर्माण व्यवसायी आन्दोलित भएको उनले बताए । अन्दोलित निर्माण व्यवसायीले आफना माग अघि सारेर सरकारको ध्यानार्षण गराईरहेको उनले बताए ।
माग सम्बोधन नभए साउन १४ गते देखि प्रशासन कार्यालयमा धर्ना दिइने उनले जानकारी गराए ।
नेपाल सरकारले माग सम्बोधन नगरे थप संघर्षका कार्यक्रम अघि सारेर चरणबद्ध आन्दोलन गरिने उनले बताए ।
