बैशाख ०२ धनगढी । कैलालीका १७ वटा विद्यालयमा विद्यालय खानेपानी सरसफाइ तथा स्वच्छता कार्यक्रम सञ्चालन गरिएको छ ।
कैलालीका दुई वटा स्थानीय तह धनगढी उप महानगरपालिकाका ९ वटा विद्यालय र गोदवारी नगरपालिकाका ८ वटा विद्यालय गरेर १७ वटा विद्यालयमा विद्यालय खानेपानी सरसफाइ तथा स्वच्छता कार्यक्रम सञ्चालन गरिएको हो ।
प्रयास नेपाल कैलालीका अध्यक्ष लोकराज जोशीले विद्यालय खानेपानी सरसफाइ तथा स्वच्छता प्रवद्र्वनका लागि उक्त कार्यक्रम सञ्चालन गरिएको बताए । उनले नियमित अनुगमन तथा रिर्पोटिङ र मिडिया परिचालन सम्बन्धी स्थानीय सञ्चारकर्मीहरुसंग बैठक पनि सम्पन्न गरेको जानकारी गराए ।
बि.आइ जेड को सहयोग तथा प्रयास नेपालको आयोजनामा उक्त कार्यक्र सुरु गरिएको जोशीले बताए । विद्यालयहरुमा खानेपानी, सरसफाइ तथा स्वच्छता सम्बन्धी जनचेतना फैलाउने उदेश्यका साथ कार्यक्रमम सञ्चालन गरिएको जानकारी गराउदै उनले गत वर्ष २० वटा विद्यालयमा समिति गठन गरेको भए पनि १७ वटा विद्यालयमा काम गरिरहेको उनले बताए ।
१० वटा सूचक र उपसूचक गरेर ती विद्यालयहरुमा श्रोत नक्सा समेत तयार पारेको उनले बताए ।
सरकारको मापदण्डलाई पालना गर्दै काम गरिरहेको बताउदै उनले विद्यार्थीहरुमा चेतनाको विकाससगै परिवर्तन समेत आएको उनले बताए । सुदूरपश्चिम प्रदेशको सामाजिक विकास मन्त्रलायका शिक्षा महाशाखा प्रमुख लोकेन्द्र प्रसाद भट्टले बालबालिकाहरुमा संस्कारको विकास ल्याउन आवश्यक रहेको बताउदै प्रदेश सरकार सहयोग र सहकार्य गर्न तयार रहेको बताए ।
