बैशाख ०२ धनगढी । पछिल्लो २४ घण्टामा देशभर थप १४ जनामा कोरोना संक्रणको पुष्टि भएको छ भने ५५ जना संक्रमण मुक्त भएका छन ।
स्वास्थ्य तथा जनसंख्या मन्त्रालयका अनुसार ३ हजार ३० जनाको पीसीआर परीक्षण गर्दा १४ जना र ८ सय ७३ जनाको एन्टीजेन परीक्षण गर्दा सुन्य जना गरी १४ जनामा संक्रमणको पुष्टि भएको हो ।
हाल देशभर १ हजार ४ सय ३८ जना सक्रिय संक्रमित रहेका छन् । जस मध्ये ४ सय १९ जना होम आइसोलेसनमा रहेका छन् भने १९ जना संस्थागत आइसोलेसनमा रहेका छन् । कोरोनाका बिरामी मध्ये ९ जना आईसीयू र १ जना भेन्टिलेटरमा उपचाररत् रहेका छन् ।
शुक्रबार थपिएसँगै नेपालमा कोरोना संक्रमितको कुल संख्या ११ लाख १८ हजार ८ सय ६ जना पुगेको छ । योसँगै नेपाल मृत्यु हुनेको संख्या ११ हजार ९ सय ५१ जना पुगेको छ । त्यसैगरी ९ लाख ६७ हजार २ सय ५९ जना संक्रमणमुक्त भएका छन् ।