चैत्र २७ धनगढी । चौधरी फाउन्डेशनले धनगढी उप महानगरपालिकाका ५ विपन्न परिवारलाई जस्तापाता सहयोग गरेको छ । उपमहानगरपालिकाका अति विपन्न दलित, जनजाती तथा एकल महिला गरी ५ घर परिवारलाई चौधरी फाउन्डेशनले जस्तापाता सहयोग गरेको हो ।
फाउन्डेशनले घरको छाना छाउनका लागि रंगीन जस्तापाता उपलब्ध गराएको चौधरी ग्रुपका सुदूरपश्चिम प्रादेशीक कार्यालय प्रमुख वंशिराम चौधरीले जानकारी गराए । उनले धनगढी उप महानगरपालिका वडा नंम्बर. १ का बेसरी दमाइ र मंगला आउजी, वडा नम्बरं. २ का चम्पी लुहार, वडा नंम्बर. १२ का काली चौधरी र सावित्री मगरलाई जस्तापाता सहयोग गरिएको जानकारी गराए ।
फाउण्डेशनले रुडुक नेपालका जिल्ला सचिव मार्फत घरधनीहरुलाई सामाग्री उपलब्ध गराएको उनले बताए । सीजी फुड इन्टरप्राइजेज बर्दियाको आर्थिक सहयोग जस्तापाता सहयोग गरिएको उनले जानकारी गराए ।
