चैत्र २७ दार्चुला । महाकाली नदीमा हाम फालेरदार्चुलामा एक जना महिलाको मृत्यु भएको छ । अपिहिमाल गाउँपालिका वडा नम्बर–४ खात्तिकी अन्दाजी २८ वर्षीया दमन्ती धामी (दशरती) ले नदीमा हाम फाल्दा मृत्यु भएको हो । आइतबार बिहान १० बजेको समयमा रिङनतालको सिढीबाट उनले महाकाली नदीमा हाम फालेको स्थानीयले जानकारी गराएका छन ।
सोही स्थानमा आवत जावत गर्ने मानिसहरूले धामीलाइ महाकाली नदीमा हाम फालेको देखेपछि प्रहरीलाई खबर गरेको बताईएको छ । धामी महाकाली नगरपालिका वडा नम्बर–४ स्थित घाटबजारको एउटा होटलमा काम गर्दै आइरहेको बताईएको छ ।
नेपाल प्रहरी र सशस्त्र प्रहरीको टोलीले करिव २ किलोमिटर तल वडा नम्बर ५ नमस्कार मन्दिर क्षेत्रको किनारबाट मृत अवस्थामा धामीको शव निकालिएको बताइएको छ । त्यसैगरी कैलालीको धनगढीमा एक जना पुरुषको शव फेला परेको छ । मोहनापुल–अत्तरिया ६ लेन सडक अन्तरगत भन्सार रोडमा शव फेला परेको हो । आइतबार विहान फेला परेको शवको पहिचान हुन नसकेको प्रहरीले जनाएको छ ।
