चैत्र २१ धनगढी । देशभर थप ३३ जनामा कोरोना संक्रमणको पुष्टि भएको छ । पछिल्लो २४ घण्टामा २ हजार ९ सय ४२ जनाको पीसीआर परीक्षण गर्दा ३२ जना र २ हजार १ सय १७ जनाको एन्टीजेन परीक्षण गर्दा १ जना गरी ३३ जनामा संक्रमणको पुष्टि भएको हो ।
पछिल्लो २४ घण्टामा कोरोनाको संक्रमणबाट ८९ जना मुक्त भएको स्वास्थ्य तथा जनसंख्या मन्त्रालयले जनाएको छ । देशभर ८ सय ४२ जना सक्रिय संक्रमित रहेको स्वास्थ्य मन्त्रालयले जनाएको छ ।
जस मध्ये ८ सय ६ जना होम आइसोलेसनमा रहेका छन् भने ३६ जना संस्थागत आइसोलेसनमा रहेको स्वास्थ्य मन्त्रालयले जनाएको छ । कोरोनाका बिरामी मध्ये १५ जना आईसीयू र २ जना भेन्टिलेटरमा उपचाररत् रहेका छन् ।
सोमबार थपिएसँगै नेपालमा कोरोना संक्रमितको कुल संख्या ११ लाख १८ हजार छ सय ४८ जना पुगेको स्वास्थ्य मन्त्रालयले जनाएको छ । नेपालमा मृत्यु हुनेको संख्या ११ हजार ९ सय ५१ पुगेको छ भने ९ लाख ६५ हजार ७ सय १४ जना संक्रमणमुक्त भएको स्वास्थ्य मन्त्रालयले जनाएको छ ।
त्यस्तैगरी १० वर्ष मुनिका १ जना बालबालिकामा कोरोना संक्रमण देखिएको स्वास्थ्य मन्त्रालयले जनाएको छ भने ११ देखि २० वर्ष उमेर समूहका कसैमा पनि कोरोना संक्रमण नदेखिएको स्वास्थ्य मन्त्रालयले जनाएको छ ।
त्यसैगरी सेती प्रादेशिक अस्पतालको प्रयोशालामा थप तीन जनामा कोरोना संक्रमणको पुष्टि भएको छ । पछिल्लो २४ घण्टामा १५ नमूनाको कोरोना परिक्षण गरिएकोमा तीन जनामा संक्रमणको पुष्टि भएको हो । हाल सेतीमा एक जना कोरोना संक्रमित उपचाररत रहेको अस्पतालका सूचना अधिकारी दिलिप कुमार श्रेष्ठले जानकारी गराएका छन ।
