चैत्र ०९ कञ्चनपुर । कञ्चनपुरमा वन डढेलो नियन्त्रणका लागि यहाँका ६ वटा सब वन डिभिजन कार्यालयमा १२ जना अग्नि नियन्त्रकको व्यवस्था गरिएको छ । वन तथा राष्ट्रिय निकुञ्जमा गर्मीयाममा डढेलोले वन क्षेत्रमा क्षति पु¥याउँदै आएको छ । डिभिजन वन कार्यालय कञ्चनपुरका सूचना अधिकृत शिवराज अवस्थीले डढेलो नियन्त्रणको पूर्वतयारी भइरहेको जानकारी गराउनु भयो ।
उनले जिल्लामा रहेका सब वन डिभिजनमा अग्नि नियन्त्रकको व्यवस्था भएको जानकारी गराउनु भयो । उनले हरेक डिभिजनमा दुईजना नियन्त्रक राखेर वनमा डढेलो नियन्त्रण सम्बन्धी सूचना सङ्कलन देखि नियन्त्रणका लागि समन्वय गर्ने जानकारी गराउनु भयो उनले जिल्लाका ६ वटा डिभिजन डढेलो नियन्त्रण र त्यसबाट हुने क्षति न्यूनीकरणका लागि सचेत रहन आग्रह समेत गरेका छ ।
केही दिन अघि मात्र डिभिजन वनसँगै सबै सब डिभिजनले साताव्यापी वन डढेलो व्यवस्थापन सम्बन्धित जनचेतनामूक सप्ताह समेत गरेको
थियो । उनले अग्नि नियन्त्रक सामग्रीका लागि यस वर्ष बजेट नभएको सूचना अधिकृत अवस्थीले जानकारी गराउनु भयो । उनले गत वर्ष खरिद गरिएका सामग्री प्रयोगमा ल्याइन जानकारी गराउनु भयो ।
कञ्चनपुरमा ७८ हजार हेक्टर वन क्षेत्रमा पर्छ । वन डढेलोका कारण जनधनको समेत क्षति हुनसक्ने भएकाले त्यसका नियन्त्रणका लागि सेना, प्रहरी, वन उपभोक्ताहरुसित पनि समन्वय हुने गरेको डिभिजन वन कार्यालयले जनाएको छ । त्यसैगरी कञ्चनपुरमा रहेको शुक्लाफाँटा राष्ट्रिय निकुञ्जमा पनि बर्सेनि डढेलो लाग्ने गरेको छ । ३ सय ५ वर्गकिलोमिटर क्षेत्रफलमा फैलिएको निकुञ्ज प्रशासनले पनि डढेलो नियन्त्रणका लागि पूर्वतयारी गरेकोे जनाएको छ ।
