फागुन २० धनगढी । नेपाली काँग्रेस कैलालीको अधिवेशन अन्तर्गत पदाधिकारीको मतगणना सम्पन्न भएको छ । सभापतिको मतगणना बिहीबार नै सकिएकोमा शुक्रबार उपसभापति, सचिव र सह सचिवको मतगणना सम्पन्न भएको हो ।
उप सभापतिमा नारायणदत्त भट्ट प्यानलका भीम बडुवाल १ हजार ३ सय २८ मत र प्रकाश बहादुर बम प्यानलका खेम डगौरा थारु ९ सय २३ मत ल्याउदै निर्वाचित भएको निर्वाचन समितिले जनाएको छ । चौधरी र बडुवालले यस अघि जिल्ला सभापतिमै चुनाव लड्ने बताउदै आएका थिए भने मनोनयन दर्ताका क्रममा पछि हटेका थिए ।
सचिवमा बम प्यानलका नृप सुनारले १ हजार ४ सय ९३ र भट्ट प्यानलका केशव मिश्रले १ हजार १ सय ५६ मत प्राप्त गर्दै निर्वाचित भएको निर्वाचन समितिले जनाएको छ । त्यस्तैगरी सह सचिवमा कलेशुराम चौधरी ८ सय ९६ र राम समझ राना ८ सय ८१ मत ल्याउदै निर्वाचित भएको निर्वाचन समितिले जनाएको
छ । जिल्ला सदस्यको मतगाणना पनि सुरु हुने निर्वाचन समितिले जनाएको छ । जिल्ला सभापतिमा भने संस्थापन पक्षका नारायणदत्त भट्ट निर्वाचित भइसकेका छन् । उनी दोस्रो चरणको निर्वाचनमा प्रकाश बहादुर बमलाई पराजित गर्दै निर्वाचित भएका हुन् ।
