फागुन १८ काठमाण्डौ । देशभर थप १ सय २७ जनामा कोरोना भाइरस संक्रमणको पुष्टि भएको छ । पछिल्लो २४ घण्टामा ६ हजार ८ सय ७४ जनामा कोरोना भाईरस परीक्षण गर्दा देशभर थप १ सय २७ जनामा कोरोना भाइरस संक्रमणको पुष्टि भएको हो ।
त्यसैगरी देशभर पीसीआर विधिबाट भएको कोरोना परीक्षणमा कुल ९ लाख ७७ हजार १ सय ९९ र एन्टिजेन विधिबाट भएको परीक्षणमा १ लाख ३९ हजार ४ सय ५७ जनामा संक्रमणको पुष्टि भएको स्वास्थ्य तथा जनसंख्या मन्त्रालयले जनाएको छ ।
कोरोना संक्रमण्बाट हालसम्म ९ लाख ५७ हजार ४ सय ८८ जना मुक्त भएको स्वास्थ्य तथा जनसंख्या मन्त्रालयले जनाएको छ ।
त्यस्तैगरी देशभर कोरोना संक्रमणबाट थप ३ जनाको मृत्यु भएको स्वास्थ्य मन्त्रालयले जनाएको छ । हालसम्म ११ हजार ९ सय ४१ जनाको मृत्यु भएको स्वास्थ्य मन्त्रालयले जनाएको छ ।
पछिल्लो समय कोरोना संक्रमित घट्दै गएका छन् भने हाल देशभर ७ हजार ७ सय ७० जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।
