फागुन १७ काठमाण्डौ । पछिल्लो २४ घण्टामा १ सय ५८ जनामा कोरोना भाइरस संक्रमणको पुष्टि भएको छ ।
स्वास्थ्य तथा जनसंख्या मन्त्रालयका अनुसार चार हजार ४ सय ५८ जनको पीसीआर परीक्षणमा ९२ जना र दुई हजार ४६ एन्टिजेन परीक्षणमा ६६ जना गरी १ सय ५८ जनामा संक्रमणको पुष्टि भएको हो ।
मन्त्रालयका अनुसार पछिल्लो २४ घण्टामा कोरोना संक्रमणमुक्त हुनेको संख्या ३ सय ५४ रहेको छ भने संक्रमणका कारण दुई जनाको मृत्यु भएको छ । हाल देशभर सक्रिय संक्रमितको संख्या सात हजार ९ सय ७१ रहेको छ । जस मध्ये ७ हजार ७ सय ७३ जना होम आइसोलेसनमा रहेका छन् भने १ सय ९८ जना संस्थागत आइसोलेसनमा रहेका छन् ।
कोरोनाका बिरामी मध्ये ७५ जना आईसीयू र ८ जना भेन्टिलेटरमा उपचाररत् छन् । मंगलबार थपिएसँगै नेपालमा कोरोना संक्रमितको कुल संख्या ११ लाख १६ हजार ५ सय २९ पुगेको छ । योसँगै नेपालमा मृत्यु हुनेको संख्या ११ हजार ९ सय ३८ पुगेको छ भने ९ लाख ५७ हजार १ सय ६७ जना संक्रमणमुक्त भएका छन् ।
त्यसैगरी १० वर्ष मुनिका बालबालिकामा कोरोना संक्रमण शून्यमा झरेको छ भने ११ देखि २० वर्ष उमेर समूहका ५ जना कोरोना संक्रमित थपिएका छन् ।
