फागुन ०९ धनगढी । गाडी साहुको घरमा चालककी श्रीमातीको शव भेटिएको छ । दार्चुलाको शैल्यशिखर नगरपालिका वडा नम्बर ४ की २२ वर्षीय कमला ठगुन्नाको शव नौगाड गाउँपालिका वडा नम्बर ६ बस्ने सङगुवा ठगुन्नाको घरमा भेटिएको हो ।
मृतकका श्रीमान र गाडी शाहु सङगुवा धनगढी आएका बेला उनी कोठामै मृत भेटिएको दार्चुलाका प्रहरी नायब उपरीक्षक मनोहर भट्टले जानकारी गराउनु भयो । सोही घरमा सवारी चालक रहेका उनका श्रीमान प्रेम सिंह ठगुन्नाको डेरा रहेको प्रहरीले जनाएको छ ।
प्रेम सिंहले सङगुवा ठगुन्नाको गाडी चलाउने गरेको प्रहरी नायब उपरीक्षक भट्टले जानकारी गराउनु भयो ।
