फागुन ०९ बैतडी । जिल्ला अदालत बैतडीले भागरथी भट्टको बलात्कार पछि हत्या घटनाका दोषीलाई साढे १२ वर्ष कैद फैसला सुनाएको छ । बलात्कार पछि हत्या घटनामा डीएनए परीक्षणलाई आधार मानेर जिल्ला अदालत बैतडीले आरोपितलाई दोषी ठहर गर्दै साढे १२ वर्ष कैद फैसला सुनाएको हो ।
बैतडीको दोगडाकेदार गाउँपालिका वडा नम्बर ७ कतोलाकी १७ वर्षकी भागरथी भट्टको बलात्कार पछि हत्या मुद्दामा जिल्ला अदालत बैतडीले डीएनए परीक्षणलाई आधार मानेर उनका सहपाठी दिनेश भट्टलाई दोषी ठहर गर्दै कैद फैसला सुनाएको हो । जिल्ला न्यायाधीश तिलकबहादुर कार्कीको इजलासले आरोपित भट्टले प्रहरी र अदालतमा गरेको साविती बयानका साथसाथै डीएनए परीक्षणलाई समेत आधार मानेर फैसला सुनाएको हो ।
जिल्ला अदालतले दिनेशलाई १२ वर्ष ६ महिना कैद सजायको फैसला सुनाएको हो । २०७७ साल माघ २१ मा भागरथी विद्यालय गएको अबश्थामा विद्यालयबाट घर पर्किदा दिउँसो २ बजे खोचलेक बजारमा पुगेको पुष्टि भए पनि त्यसपछि सम्पर्कविहीन भएकी उनको भोलिपल्ट नजिकैको जंगलमा सडकबाट करिव सय मिटर तल उनको शव भेटिएको थियो ।
टाउकोमा चोट, घाटी दबिएको, अनि खुट्टाको औलामा घाउ भएको र गुप्तांगमा चोट लागेको अवस्थामा उनको शव भेटिएको थियो । शव नजिकै उनको मोवाइल फेला परेको थियो । घटना पछि पक्राउ परेका युवक दिनेश भट्टले आफूले भागरथीलाई धकेलेर लडाएको, त्यसपछि बाटो तल पु¥याएको र बलात्कार पछि हत्या गरेको स्वीकारेका थिए ।
