फागुन ०६ धनगढी । छैठौँ निर्वाचन दिवसका अवसरमा धनगढीमा अन्तरक्रिया कार्यक्रम गरिएको छ । दिवसको पूर्व सन्ध्यामा कैलालीका प्रमुख जिल्ला अधिकारी किरण थापाको अध्यक्षतामा विभिन्न राजनीतिक दलका प्रमुख तथा प्रतिनिधिहरूको उपस्थितिमा शुक्रवार धनगढीमा अन्तरक्रिया कार्यक्रम गरिएको हो ।
आगामी निर्वाचनमा कुनै पनि मत बदर हुन नदिन मतदाता शिक्षा प्रभावकारी ढङ्गले सञ्चालन गर्र्न निर्वाचन आयोगले यस वर्ष ‘निर्वाचनमा सबै, सधैँ र सँगै’ प्रमुख नारा तय गरेको छ । निर्वाचन आचारसंहितामा कडाइ गर्नु पर्ने, खर्चमा मितव्ययिता अपनाउनु पर्ने र मत बदर हुन नदिन मतपत्रमा सुधार गर्नु पर्नेमा कार्यक्रमका सहभागीहरुले जोड दिएका थिए । ‘निर्वाचनमा सबै, सधैँ र सँगै’ भन्ने नाराका साथ आज छैठौँ निर्वाचन दिवस देशभरी नै मनाइँने भएको छ ।
२०१५ सालमा भएको आम निर्वाचन सुरु भएको दिनको स्मरणमा २०७३ सालबाट प्रत्येक वर्ष फागुन ७ गते निर्वाचन दिवस मनाउँदै आएकोमा यस वर्ष आज शनिवार छैठौँ निर्वाचन दिवस मनाउन लागिएको प्रदेश निर्वाचन अधिकृत प्रेमराज भट्टले जानकारी गराउनु भयो । बिहीवार पनि कार्यालयले वृक्षारोपण, सरसफाइ र व्याटमिन्टन प्रतियोगिताको आयोजना गरेको प्रदेश निर्वाचन अधिकृत भट्टले जानकारी गराए । कैलालीका प्रमुख जिल्ला अधिकारी किरण थापाले मतदान केन्द्रका अधिकृतबाट कुनै लापरबाही हुन नदिन आयोगले दिने तालिममा विशेष ध्यान दिनु पर्ने बताउदै मतपत्र गन्ती गर्दा ध्यान दिनु पर्ने बताउनु भयो । कार्यक्रका सहभागीहरुले मतदानका लागि मतदातालाई सहज बाताबरण बनाउनु पर्ने लगायतका धारणाहरु राखेका थिए । उनले निर्वाचन निष्पक्ष, धाँधली एवं भयरहित बनाउन सबै राजनीतिक दलको साथ र सहयोग आवश्यक भएको जानकारी गराउनु भयो । त्यसैगरी २०७९ वैशाख ३० गते तोकिएको स्थानीय तहको निर्वाचनका लागि निर्वाचन सञ्चालन सम्बन्धी व्यवस्थापन, तयारीबारे पनि कार्यक्रम्मा जानकारी गराइएको उनले जानकारी गराए ।
स्थानीय तहको निर्वाचनका लागी विद्यालयमा मतदाता शिक्षा, राजनीतिक दल, सङ्घ संस्था तथा थप विद्यालयहरूमा निर्वाचन शिक्षा तथा सूचना केन्द्रको अवलोकन गरिने जानकारी गराउदै उनले मतदान केन्द्रको अनुगमन निरन्तर गरिने बताउनु भयो । २०७४ सालको मतगणना अनुसार २ लाख २३ हजार ५ सय ९ जना पुरुष, २ लाख ३७ हजार ६१ महिला र ८ जना तेस्रो लिङ्गी,गरी ४ लाख ६० हजार ५ सय ७८ जना मतदलाता रहेको उनले जानकारी गराउनु भयो ।
त्यस्तैगरी २०७७ पौष ५ गते सम्म २ लाख ४२ हजार ६ सय १२ पुरुष, २ लाख ५५ हजार ४ सय ७७ महिला र तेस्रो लिङ्गी १० जना गरी जम्मा ४ लाख ९८ हजार ९९ जना मतदाता रहेको उनले जानकारी गराए । हाल २०७८ माघ २४ गते सम्मको अनुमानित मतदमता सङ्ख्या ५ लाख ३५ हजार रहेको उनले जानकारी गराए । सोही अवसरमा निर्वाचन कार्यालय कैलालीले उत्कृष्ट कर्मचारीलाई सम्मान समेत गरेको छ । २०७६÷ ७७ को कार्यसम्पादनको मुल्याङकनको आधारमा कार्यालय सहयोगी भगीरथ रानालाई नगद तीन हजार सहित सम्मान गरिएको हो । हाल कैलालीमा २ सय ३७ मतदान स्थल रहेको निर्वाचन कार्यालय धनगढीले जनाएको छ ।
