माघ २९ धनगढी । धनगढी उप महानगरपालिकाको ९ नम्बर वडा कार्यालयको नवनिर्मित भवनको उदघाटन गरिएको छ ।
शुक्रवार उप महानगरपालिकाको बंगराकटानमा ग्यालेरी सहितको ६ कोठे भवनको उदघाटन गरिएको हो ।
धनगढी उप महानगरपालिकाका मेयर नृपबहादुर वड, उपमेयर सुशीला मिश्र भट्ट र वडा अध्यक्ष प्रेमबहादुर भण्डारीले संयुक्त रुपमा भवनको उदघाटन गरेका हुन । भवनको उदघाटन गर्दै नगर प्रमुख वडले आफू निर्वाचित भएर आइसके पछि सम्पूर्ण वडालाई सम्पन्न बनाउने निति अनुरुप काम भैरहेको जानकारी गराउनु भयो ।
उनले उप महानगरपालिकाका सबै १९ वटै वडामा आफ्नै भवन, खानेपानी, स्वास्थ्य कार्यालय लगायत संरचना निर्माण गरि सम्पूर्ण वडावासीलाई सेवा दिई रहेको समेत बताउनु भयो । त्यसैगरी उपमेयर भट्टले वडा कार्यालयले अब सम्पूर्ण काम एउटै छानामुनिबाट दिने बताइन ।
उनले सम्पूर्ण वडा बासिलाई वडा कार्यालयले गर्ने कामको निगरानी समेत राख्न अनुरोध गरिन । उनले वडा कार्यालयले के कस्तो सेवा, कसरी दिई राखेको छ त्यसको निगरानी तपाईहरुले गर्नु पर्छ उपमेयर भट्टले भन्नु भयो । भ्याट सहित ८३ लाख रुपैयामा न्यु सहारा कन्स्ट्रक्सनले उक्त भवनको निर्माण गरिएको उनले जानकारी गराईन ।
