माघ २७ कञ्चनपुर । पसलबाट चोरी गरेको आरोपमा प्रहरीले २ जनालाई पक्राउ गरेको छ ।
कञ्चनपुरको भीमदत्त नगरपालिका वडा नम्बर १८ स्थित पदम रैकालको पसलबाट सामान चोरी गर्ने २ जनालाई प्रहरीले पक्राउ गरेको हो । पसलबाट गुट्का चाउचाउ, बिस्कुट लगायतका समान चोरी गरेको आरोपमा सोही वडाका विशाल चौधरी र शाहिल धामीलाई पक्राउ गरिएको जिल्ला प्रहरी कार्यालय कञ्चनपुरले जनाएको छ ।
चोरी भएका सर–समान सहित उनिहरुलाई पक्राउ गरिएको बताउदै अदालतबाट ५ दिन म्याद थप लिइ अनुसन्धान भइरहेको जिल्ला प्रहरी कार्यालय कञ्चनपुरले जनाएको छ ।
